جاڭالىقتار

قاسىم-جومارت توقاەۆتىڭ ساپارى جايلى قىتايلىق باق نە دەيدى

قاسىم-جومارت توقاەۆتىڭ بەيجىڭگە رەسمي ساپارى ەكى ەل اراسىنداعى سەرىكتەستىكتى جاڭا دەڭگەيگە كوتەرەدى. قىتايلىق بۇقارالىق اقپارات قۇرالدارى مەملەكەت باسشىسىنىڭ قىتايعا جاساعان مەملەكەتتىك ساپارى جايلى وسىلاي جارىسا جازىپ جاتىر. قازاقستان پرەزيدەنتىنىڭ بەيجىڭگە العاشقى مەملەكەتتىك ءىس-ساپارى جەتەكشى قىتايلىق بۇقارالىق اقپارات قۇرالدارىن ەلەڭ ەتكىزگەنى انىق. سونىڭ ءبىرى – Chinadaily.سom. باسىلىم قاسىم-جومارت توقاەۆتىڭ «ءبىر بەلدەۋ, ءبىر جول» باستاماسىن جوعارى باعالاپ, ۇلى جىبەك جولىن الەم ەكونوميكاسىن وزگەرتكەن زاماناۋي جوبا دەپ اتاعانىن جازىپتى. سونداي-اق پرەزيدەنت قىتاي مەملەكەتىن «سەنىمدى ءارى تۇراقتى سەرىكتەس» ەكەنىن اتاپ وتكەن.   «قازاقستان پرەزيدەنتى توقاەۆ ەكى جاقتى سەرىكتەستىكتىڭ ودان ءارى تەرەڭىرەك دامۋىنا ەشقانداي كەدەرگى جوعى وتە ماڭىزدى ەكەنىن اتاپ ءوتتى. ىزىنشە, تاراپتار جان-جاقتى ستراتەگيالىق سەرىكتەستىكتى ودان ءارى نىعايتۋ جانە تەرەڭدەتۋ تۋرالى بىرلەسكەن مالىمدەمەگە قول قوياتىنىن جەتكىزدى». بەيجىڭگە جاساعان توقاەۆ ساپارىنىڭ ماڭىزدىلىعىن قازاقستانداعى قىتاي حالىق رەسپۋبليكاسىنىڭ ەلشىسى دە ەرەكشە اتاپ وتكەن. بۇل ماقالا People’s Daily دەپ اتالاتىن اسپان استى ەلىندەگى ەڭ اۋقىمدى گازەتتەردىڭ بىرىندە جاريالاندى. اۆتوردىڭ ايتۋىنشا, قاسىم-جومارت توقاەۆتىڭ ساپارى قىتاي مەن قازاقستان سەرىكتەستىگىن جاڭا بەلەسكە كوتەرەدى.   «قىتاي مەن قازاقستان – دامۋدىڭ وزىندىك داڭعىل جولىن تاڭداعان ەلدەر. توقاەۆ حالىقتىڭ جاعدايىن جاقسارتۋ ءۇشىن ايانباي ەڭبەك ەتىپ جاتىر. ەلدى ەكونوميكالىق وسىمگە جەتەلەپ, بەلسەندى تۇردە ينۆەستيتسيا تارتۋدا. سىبايلاس جەمقورلىقپەن كۇرەسۋدە. بۇل ورايدا ەكى ەل استانالارىنىڭ باستامالارى ۇقساس ەكەنىن ايتا كەتكەن ءجون. سەبەبى قىتايدىڭ «ءبىر بەلدەۋ, ءبىر جول» باعدارلاماسى دا اشىقتىققا باعىتتالعان». اقپاراتتىق CGTN ارناسى دا توقاەۆتىڭ قىتاي باسشىلىعىمەن كەزدەسۋىنە ارنايى ماقالا ارناعان. ايتا كەتەيىك, قىتايلىق باق اقپارىنا سايكەس, ەكى جاقتى ىسكەرلىك سەرىكتەستىك ءتيىمدى ناتيجەلەرگە قول جەتكىزگەن. ساۋدا مەن ينۆەستيتسيا كورسەتكىشتەرى جىل ساناپ ارتىپ كەلەدى. ماسەلەن, قاڭتار ايىنان بەرى ەكى ەل اراسىنداعى ءوزارا الىس-بەرىس 9, 53 ملرد. دوللارعا جەتتى. بۇل بىلتىرعىمەن سالىستىرعاندا, 9,25 پروتسەنتكە جوعارى.

اۆتورى: جانسۇلۋ دۇيسەنالى

دەرەككوز: https://24.kz/

وسى ايداردا

دوباۆيت كوممەنتاري

Close