Jańalyqtar

Qasym-Jomart Toqaevtyń sapary jaıly qytaılyq BAQ ne deıdi

Qasym-Jomart Toqaevtyń Beıjińge resmı sapary eki el arasyndaǵy seriktestikti jańa deńgeıge kóteredi. Qytaılyq buqaralyq aqparat quraldary Memleket basshysynyń Qytaıǵa jasaǵan memlekettik sapary jaıly osylaı jarysa jazyp jatyr. Qazaqstan Prezıdentiniń Beıjińge alǵashqy memlekettik is-sapary jetekshi qytaılyq buqaralyq aqparat quraldaryn eleń etkizgeni anyq. Sonyń biri – Chinadaily.som. Basylym Qasym-Jomart Toqaevtyń «Bir beldeý, bir jol» bastamasyn joǵary baǵalap, Uly jibek jolyn álem ekonomıkasyn ózgertken zamanaýı joba dep ataǵanyn jazypty. Sondaı-aq Prezıdent Qytaı memleketin «senimdi ári turaqty seriktes» ekenin atap ótken.   «Qazaqstan Prezıdenti Toqaev eki jaqty seriktestiktiń odan ári tereńirek damýyna eshqandaı kedergi joǵy óte mańyzdy ekenin atap ótti. Izinshe, taraptar jan-jaqty strategııalyq seriktestikti odan ári nyǵaıtý jáne tereńdetý týraly birlesken málimdemege qol qoıatynyn jetkizdi». Beıjińge jasaǵan Toqaev saparynyń mańyzdylyǵyn Qazaqstandaǵy Qytaı Halyq Respýblıkasynyń elshisi de erekshe atap ótken. Bul maqala People’s Daily dep atalatyn aspan asty elindegi eń aýqymdy gazetterdiń birinde jarııalandy. Avtordyń aıtýynsha, Qasym-Jomart Toqaevtyń sapary Qytaı men Qazaqstan seriktestigin jańa beleske kóteredi.   «Qytaı men Qazaqstan – damýdyń ózindik dańǵyl jolyn tańdaǵan elder. Toqaev halyqtyń jaǵdaıyn jaqsartý úshin aıanbaı eńbek etip jatyr. Eldi ekonomıkalyq ósimge jetelep, belsendi túrde ınvestıııa tartýda. Sybaılas jemqorlyqpen kúresýde. Bul oraıda eki el astanalarynyń bastamalary uqsas ekenin aıta ketken jón. Sebebi Qytaıdyń «Bir beldeý, bir jol» baǵdarlamasy da ashyqtyqqa baǵyttalǵan». Aqparattyq CGTN arnasy da Toqaevtyń Qytaı basshylyǵymen kezdesýine arnaıy maqala arnaǵan. Aıta keteıik, qytaılyq BAQ aqparyna sáıkes, eki jaqty iskerlik seriktestik tıimdi nátıjelerge qol jetkizgen. Saýda men ınvestıııa kórsetkishteri jyl sanap artyp keledi. Máselen, qańtar aıynan beri eki el arasyndaǵy ózara alys-beris 9, 53 mlrd. dollarǵa jetti. Bul byltyrǵymen salystyrǵanda, 9,25 proentke joǵary.

Avtory: Jansulý Dúısenáli

Derekkóz: https://24.kz/

Osy aıdarda

Dobavıt kommentarıı

Close