جاڭالىقتار

ايناعۇلوۆ برازيليادان كەلگەن قازاق بالۋانىن جەڭدى

كۇرەس تۇرلەرىنەن ءوتىپ جاتقان الەم چەمپيوناتىندا برازيليا اتىنان سىنعا ءتۇسىپ جۇرگەن بايىرعى وتانداسىمەن بەلدەسكەن مەيرامبەك ايناعۇلوۆ قارسىلاسىن 2 مينۋتتا ايقىن باسىمدىلىقپەن ۇتتى.

60 كەلى سالماقتا ەل نامىسىن قورعاپ جاتقان ايناعۇلوۆ العاشقى بەلدەسۋىندە برازيليا ەلىنىڭ نامىسىن قورعاپ جۇرگەن بۇرىنعى قازاقستاندىق بالۋان مارات گاريپوۆ. قوس قازاق بالۋانى اراسىنداعى كەزدەسۋ ۇزاققا سوزىلعان جوق. جەڭىس جەرلەسىمىزدىڭ ايقىن باسىمدىلىعىمەن اياقتالدى.
ايتا كەتسەك, گاريپوۆ الماتىدا تۋىپ, تارازدا وسكەن. گرەك-ريم كۇرەسىمەن بالا كەزدەن اينالىسقان. 2010 جىلى قازاقستان اتىنان ازيا بىرىنشىلىگىنە قاتىسىپ, ال 2018 جىلى برازيليا اتىنان پانامەريكا چەمپيوناتىندا قولا جۇلدە جەڭىپ العان.
كەيىن, 2011 جىلى قۇرلىق اسىپ, برازيليا ەلىنىڭ نامىسىن قورعاۋعا اتتانعان. سونداي-اق, بۇگىن اسا اۋىر سالماقتا, ياعني 130 كەلىدە تەمىرلان شادۋكاەۆ العاشقى بەلدەسۋىندە فينليانديىيالىق قارسىلاسى كونستى يوحاننەس ماەنپايايدى ۇتىپ, كەلەسى كەزەڭگە ءوتتى.

ەستەرىڭىزگە سالا كەتەيىك, استانادا ءوتىپ جاتقان كۇرەس تۇرلەرىنەن الەم چەمپيوناتاندى بالۋاندار جۇلدەلى ورىندارمەن قاتار كەلەسى جىلى وتەتىن 2020 توكيو وليمپياداسىنا جولدامالاردى دا ساراپقا سالادى.
استانادا سپورتشىلارعا 108 وليمپيادالىق جولداما ۇلەستىرىلەدى. جولداما 1-دەن 6-ورىنعا يە بولعان بالۋاندارعا بەرىلەدى. بىرىنشىلىك 22 قىركۇيەككە دەيىن جالعاسادى.

دەرەككوز: https://www.inform.kz/kz/kuresten-alem-chempionaty-aynagulov-braziliyadan-kelgen-kazak-baluanyn-zhendi_a3565990

وسى ايداردا

دوباۆيت كوممەنتاري

Close