Aınaǵulov Brazılııadan kelgen qazaq balýanyn jeńdi

Kúres túrlerinen ótip jatqan álem chempıonatynda Brazılııa atynan synǵa túsip júrgen baıyrǵy otandasymen beldesken Meırambek Aınaǵulov qarsylasyn 2 mınýtta aıqyn basymdylyqpen utty.

60 keli salmaqta el namysyn qorǵap jatqan Aınaǵulov alǵashqy beldesýinde Brazılııa eliniń namysyn qorǵap júrgen burynǵy qazaqstandyq balýan Marat Garıpov. Qos qazaq balýany arasyndaǵy kezdesý uzaqqa sozylǵan joq. Jeńis jerlesimizdiń aıqyn basymdylyǵymen aıaqtaldy.
Aıta ketsek, Garıpov Almatyda týyp, Tarazda ósken. Grek-rım kúresimen bala kezden aınalysqan. 2010 jyly Qazaqstan atynan Azııa birinshiligine qatysyp, al 2018 jyly Brazılııa atynan Panamerıka chempıonatynda qola júlde jeńip alǵan.
Keıin, 2011 jyly qurlyq asyp, Brazılııa eliniń namysyn qorǵaýǵa attanǵan. Sondaı-aq, búgin asa aýyr salmaqta, ıaǵnı 130 kelide Temirlan Shadýkaev alǵashqy beldesýinde fınlıandıyıalyq qarsylasy Konsty Iohannes Maenpaıaıdi utyp, kelesi kezeńge ótti.

Esterińizge sala keteıik, Astanada ótip jatqan kúres túrlerinen álem chempıonatandy balýandar júldeli oryndarmen qatar kelesi jyly ótetin 2020 Tokıo olımpıadasyna joldamalardy da sarapqa salady.
Astanada sportshylarǵa 108 Olımpıadalyq joldama úlestiriledi. Joldama 1-den 6-orynǵa ıe bolǵan balýandarǵa beriledi. Birinshilik 22 qyrkúıekke deıin jalǵasady.

Derekkóz: https://www.inform.kz/kz/kuresten-alem-chempionaty-aynagulov-braziliyadan-kelgen-kazak-baluanyn-zhendi_a3565990