الەم جاڭالىقتارى
«تاڭعاجايىپتىڭ كوكەسى»: ساۋ-تامتىعى قالماعان ۇشاقتان ەكى ادام ءدىن امان شىقتى (ۆيدەو)
امەريكانىڭ فلوريدا شتاتىنداعى بوكا-راتون قالاسىنىڭ اۋەجايى ماڭىندا ەر ادام تاڭعاجايىپتىڭ كۇشىمەن امان قالدى. پيتەر ۋايت قوقىس تاستاۋعا شىعىپ كەلە جاتقان كەزدە Piper PA-28 ۇشاعى تۋرا جانىنا قۇلاعان. وقيعا 11 قىركۇيەك كۇنى بولدى, دەپ حابارلايدى Stan.kz اقپارات اگەنتتىگى.
جەرگىلىكتى باق-تىڭ مالىمەتىنشە, ۇشاق ۇشىپ شىققاننان كەيىن اقاۋلارعا بولا بىردەن كەرى قايتقان. الايدا كەنەتتەن جەرگە قاتتى قۇلاپ, ۇشقىش تىزگىندى ۋىسىنان شىعارىپ الدى.
ناتيجەسىندە اۋە كەمەسى قاقپانى بۇزىپ ءوتىپ, ەر ادامدى قاعىپ كەتە جازدادى. ەر ادام ءوز كەزەگىندە ۇشاقتى جىلدام بايقاپ, بىرنەشە سەكۋند ىشىندە امان قالىپ ۇلگەردى.
تاڭعاجايىپ مۇنىمەن بىتكەن جوق: ۇشاقتىڭ ساۋ تامتىعى قالماعانىنا قاراماستان, بورتتاعى ەكى ادام ءتىرى قالدى. ءبىرىنىڭ جاراقاتى جەڭىل بولىپ, ول اۋرۋحانادان شىقتى. ەكىنشىسىنىڭ جاعى مەن اياعى سىنعان.
