جاڭالىقتار

جاڭا مەرەكە. قازاقستاندىقتار ەندى نان كۇنىن اتاپ وتەدى

قازاقستاندىقتار جىل سايىن قازان ايىندا نان كۇنىن اتاپ وتەدى. بۇيرىقتى پرەمەر-مينيستر اسقار مامين بەردى, دەپ حابارلايدى ينتەرفاكس-قازاقستان.

«ۇكىمەت قاۋلى ەتەدى: ۇكىمەتتىڭ 2017 جىلعى 31 قازانداعى «قازاقستان رەسپۋبليكاسىنداعى مەملەكەتتىك مەرەكەلەردىڭ ءتىزىمىن بەكىتۋ تۋرالى» قاۋلىسىنا كەلەسى وزگەرتۋلەر مەن تولىقتىرۋلار ەنگىزۋ تۋرالى: اتالعان قاۋلىمەن بەكىتىلگەن قازاقستان رەسپۋبليكاسىنداعى مەملەكەتتىك مەرەكەلەر تىزىمىنە كەلەسى تارماق قوسىلسىن: «نان كۇنى – 16 قازان, 44-تارماق مىناداي رەداكتسيادا جازىلسىن: «اۋىل شارۋاشىلىعى, تاماق جانە قايتا وڭدەۋ ونەركاسىبىندەگى جۇمىسشىلار كۇنى – قاراشانىڭ ءۇشىنشى جەكسەنبىسى», دەلىنگەن نورماتيۆتىك قۇقىقتىق اكتىلەر بانكىنىڭ سايتىندا جاريالانعان قاۋلىنىڭ ماتىنىندە.

ەستەرىڭىزگە سالا كەتەيىك, قازاقستاندا نان كۇنىن 2017 جىلى اتاپ ءوتۋدى دەپۋتاتتار ۇسىنعان بولاتىن.

«يتاليادا قىزاناق كۇنى, گرەكيادا شاراپ فەستيۆالى, گوللانديادا قىزعالداق كۇنى, ال گەرمانيادا سىرا كۇنى تويلانادى. ءبىز نان كۇنىن جىل سايىن كەڭ كولەمدە اتاپ ءوتۋدى ۇسىنامىز», — دەدى دەپۋتات 2017 جىلدىڭ جەلتوقسانىندا پارلامەنتتىڭ تومەنگى پالاتاسىنىڭ وتىرىسىندا.

وسى ايداردا

دوباۆيت كوممەنتاري

Close