«Bizdi osylaı ýlap jatyr»: Qazaqstannyń tuzy reseılikterdi shoshytty

Qazaqstandyq tuz óndirýshi kompanııa daý astynda qaldy. Tuzdyń reseılik satyp alýshylary onyń ishinen áınek taýyp alǵanyn aıtyp, vıdeo túsirip, jelini dúrliktirdi. Bul týraly Stan.kz aqparat agenttigi KTK arnasyna silteme jasap habarlaıdy.

Reseı azamattary áleýmettik jelige tuz arasynan áınek taýyp alǵanyn jazyp, qazaqstandyq ónimdi satyp almaýǵa shaqyrdy.

«Erimeıdi. Appaq nársenniń ne ekenin bilmeımin, túsiniksiz», — deıdi bir vıdeo avtory. «Áınek qana qaldy. Mássaǵan. Bizdi osylaı ýlap jatyr», — dedi taǵy da bir reseılik.

Dúken sóreleri bizdiń elimizde jasalǵan tuzdy alyp tastady. Kórshi elde jergilikti halyqtyń arasynda paıda bolǵan daý tuz shyǵarýshy kompanııanyń nazarynan tys qalmady.

«Birde bir bólshek, ásirese áınek arasyna kirip kete almaıdy. Erimeıtin qaldyǵy bar, basqa artyq eshnárse joq. Negizinde bul tabıǵı mıneraldar, olar árqashan boldy. Qara mıneraldar — astrahanıtter, aqshyl mıneraldar — epsomıtter», — dedi «Araltuz» AQ bıznes-proessterdi basqarý jáne ákimshilik basqarmasynyń jetekshisi Tatıana Kozyreva.

Kompanııa basshylyǵy Qazaqstanda shyǵatyn tuzdyń Reseıdegi tuzdan esh erekshelenbeıtinin, áınek týraly bos sózdi básekelesteri ádeı shyǵarǵanyn alǵa tartty.

«Bul tastar emes, astrahanıt dep atalatyn tabıǵı mıneral. Eshqandaı kesiri joq. Kerisinshe, paıdaly deýge bolady», — dedi Kozyreva.

Reseıde tuzdyń quramyn tekserý jumystary bastalyp ketti. Qazaqstandyq kompanııa onyń sapasy jaqsy ekenin dáleldemek.