ەم قابىلداپ جۇرگەندە قانداي ازىق-ت ۇلىكتەن باس تارتقان دۇرىس?

بۇل تۋرالى رەسەي عىلىمي-مەديتسينالىق تەراپەۆتەر قوعامىنىڭ مۇشەسى, دەنساۋلىق ساقتاۋ مينيسترلىگىنىڭ تسەرەبروۆاسكۋليارلىق پاتولوگيا جانە ينسۋلت فەدەرالدىق ورتالىعىنىڭ كلينيكالىق فارماكولوگى اندرەي كوندراحين ايتتى.

ماسەلەن, اسپيرين نەمەسە يبۋپروفەن قابىلداپ جۇرگەن ناۋقاس ەمى اياقتالعانشا تاڭقۋراي (مالينا) جەۋدەن باس تارتقانى دۇرىس. سەبەبى بۇل جيدەكتىڭ قۇرامىندا تابيعي ساليتسيل قىشقىلى بار. دارىگەردىڭ ايتۋىنشا, بۇنداي ءبىر-بىرىنە قارسى اسەرى بار زاتتاردى قابىلداۋدىڭ سالدارىنان ىشتەن قان كەتۋى مۇمكىن.

سونىمەن قاتار, تەراپەۆت دارىگەر قانداعى حولەستەرين دەڭگەيىن تومەندەتەتىن دارىلەرمەن قوسا گرەيپفرۋت شىرىنىن ىشكەن كەزدە پاتسيەنتكە قاۋىپ ءتونىپ, ءتىپتى ولىمىنە اكەپ سوققان جاعدايلار بولعانىن ايتتى.

دەگەنمەن, گرەيپفرۋت شىرىنىن باسقا دا ءدارى-دارمەكتەرمەن دە قوسا ىشپەگەن ابزال. ويتكەنى, ول تابلەتكانىڭ قۇرامىنداعى اسەرى بار زاتتەكتىڭ ىدىراۋىنا جاۋاپ بەرەتىن فەرمەنتتىڭ قىزمەتىن تەجەيدى. سالدارىنان ادام ورگانيزمىندە زياندى زەتتەكتەر جينالىپ, بىرتىندەپ ناۋقاستىڭ اعزاسىن ۋلاي باستايدى.

سونداي-اق ەمدەلىپ جۇرگەن كەزدە ءسۇت ىشۋدەن باس تارتقان دۇرىس. ونىڭ قۇرامىندا كالتسي كوپ بولعاندىقتان, باسقا ءدارى-دارمەكتەرمەن اسەرلەسكەن كەزدە ەرىمەيتىن تۇز تۇرىندەگى شوگىندى پايدا بولادى. ول ءوز كەزەگىندە پرەپاراتتاعى اسەر ەتەتىن زاتتەكتىڭ ورگانيزمگە قاجەت مولشەرىن الۋىنا بوگەت بولادى.

بۇدان بولەك ءسۇت پەن انتيبيوتيكتەردىڭ ءبىر-بىرىنە سايكەسسىزدىگىن اتاپ وتكەن ءجون. اسىرەسە بالاعا بەرەر كەزدە, اباي بولىڭىز! انتيباكتەريالىق تەرپايا قابىلداپ جۇرسەڭىز, ءسۇت ىشپەگەنىڭىز دۇرىس.

قاندى سۇيىلتاتىن دارىلەردى (ۆارفارين) قابىلداعان كەزدە شپينات, بروككولي جانە سالاتتان ۋاقىتشا باس تارتۋ كەرەك. ال بۇرگەن (كالينا), قارا جەمىستى شەتەن (چەرنوپلودنايا ريابينا), بۇلدىرگەن (زەمليانيكا) جانە قىزىلشا ءتارىزدى جەمىستەر مەن كوكونىستەر قان قىسىمىن تومەندەتەتىن پرەپاراتتاردىڭ اسەرىن ايتارلىقتاي تەجەيدى. سالدارىنان ادام ءدارىنى قابىلداعانىمەن, ول ەش اسەر ەتپەي, قان قىسىمى تومەندەمەۋى مۇمكىن.

ال پسيحوتروپتىق پرەپاراتتاردى قابىلداپ جۇرگەن كەزدە ىرىمشىك جەمەگەن دۇرىس. سەبەبى, ەكى زاتتىڭ ءوزارا سايكەسسىزدىگى اسەرىنەن كۇرت گيپەرتونيالىق اسقىنۋ تۋىنداپ, ادام دەنەسى قۇرىسىپ قالۋى مۇمكىن.

قورىتىندىلاي كەلە, دارىگەر جازىپ بەرگەن ءدارى-دارمەكتى ىشپەس بۇرىن دارىمەن بىرگە ۇسىنىلعان نۇسقاۋلىقپەن تانىسىپ, ىشىندەگى قارسى كورسەتىلىمدەردى مۇقيات وقىپ شىققان دۇرىس. سول كەزدە وزىڭىزگە زيان كەلتىرمەيتىندەي ەم قابىلداي الاسىز.

دەرەككوز: BAQ.KZ