قاسىم-جومارت توقاەۆتىڭ اقش-قا ساپارىنىڭ العاشقى كۇنى قالاي ءوتتى (ۆيدەو)

مەملەكەت باسشىسى قاسىم-جومارت توقاەۆ بۇۇ باس اسسامبلەياسىنىڭ 74-سەسسياسى اياسىندا بىرقاتار كەزدەسۋلەر وتكىزدى. ساپاردىڭ العاشقى كۇنىنىڭ بەينەروليگىن ۇسىنامىز.اقش, نيۋ-يورك قالاسى, بۇۇ شتاب-پاتەرى 23.09.19.قازاقستان پرەزيدەنتى قاسىم-جومارت توقاەۆتىڭ نيۋ-يورككە ساپارى اقش-تاعى ىقپالدى تالداۋ ورتالىعى سانالاتىن "Atlantic Council" ("اتلانتيكالىق كەڭەس") ۇيىمىنىڭ قولداۋىمەن ۇيىمداستىرىلعان بەلگىلى امەريكالىق ساياساتكەرلەرمەن جانە ساراپشىلار قاۋىمداستىعىنىڭ وكىلدەرىمەن كەزدەسۋمەن باستالدى. كەزدەسۋ بارىسىندا مەملەكەت باسشىسى قازاقستان-امەريكا قارىم-قاتىناستارىنىڭ قازىرگى جاي-كۇيى مەن دامۋ پەرسپەكتيۆالارى, سىرتقى ساياساتتىڭ نەگىزگى باسىمدىقتارى, قازاقستاننىڭ ساۋدا-ەكونوميكالىق جانە ينۆەستيتسيالىق الەۋەتى تۋرالى ەگجەي-تەگجەيلى باياندادى.سونداي-اق, مەملەكەت باسشىسى «Bloomberg» اقپارات اگەنتتىگىنىڭ نەگىزىن قالاۋشى ءارى يەسى مايكل بلۋمبەرگپەن كەزدەستى.كەزدەسۋ بارىسىندا تاراپتار قازاقستان مەن «Bloomberg» اقپارات اگەنتتىگى اراسىنداعى ىنتىماقتاستىقتىڭ كەلەشەگىن تالقىلاپ, الەمدىك ەكونوميكانىڭ كۇن تارتىبىندەگى وزەكتى ماسەلەلەرى جونىندە پىكىر الماستى.سونىمەن قاتار, قازاقستان پرەزيدەنتى بۇۇ-نىڭ وركەنيەتتەر اليانسىنىڭ جوعارى وكىلى انحەل موراتينوسپەن كەزدەستى.تاراپتار ءوزارا ءىس-قيمىل پەرسپەكتيۆالارىن, اتاپ ايتقاندا, دىنارالىق كەلىسىم مەن وركەنيەتتەردىڭ جاھاندىق ديالوگىن نىعايتۋ جايىن تالقىلادى.تۇستەن كەيىن مەملەكەت باسشىسى بۇۇ باس اسسامبلەياسىنىڭ 74-ءشى سەسسياسى اياسىندا امەريكالىق جانە جەتەكشى ترانسۇلتتىق كومپانيالاردىڭ باسشىلارىمەن بىرقاتار كەزدەسۋلەر وتكىزدى. كەشكىسىن كومپانيا جەتەكشىلەرىمەن دوڭگەلەك ۇستەل باسىندا پىكىر الماستى.

وپۋبليكوۆانو بەرىك ءۋالي پونەدەلنيك, 23 سەنتيابريا 2019 گ.