Jańalyqtar

Qordaıda qyz alyp qashqan kórshi oblystyń jigitteri 7 jylǵa sottaldy

Jambyl oblysynyń prokýratýrasy qyz urlyǵy úshin 15 jylǵa deıin jaza kútip turǵanyn eske salady, dep habarlaıdy QazAqparat vedomstvonyń baspasóz qyzmetine silteme jasap.

Aıta keteıik, taıaýda Qordaı aýdandyq sotynyń úkimimen Túrkistan oblysynyń tórt turǵyny qyz urlaǵany úshin 7 jylǵa sottalǵan bolatyn.

Al avtokólik qylmys quraly retinde tárkilenip, memleket kirisine alyndy.

Oqıǵa 2018 jyldyń kúzinde jigittiń Jambyl oblysy Qordaı aýdanynda turatyn qyzben tanysýynan bastalǵan.

Áleýmettik jelidegi tanystyqtan keıin jigit qyzdy alyp qashýdy oılastyra bastaıdy. «Uzaq oılanbastan ol úılený maqsatynda óziniń úsh tanysymen kelisip, Qordaı aýdanyna avtokólikpen keledi. Kelgen soń uıaly telefonǵa qońyraý shalyp, qyzǵa kezdesýdi usynady, biraq ol bas tartqan. Jastar qyzdyń úı jaǵynda kútip, ony kóshede qarsy alady. Qyzdyń qarsylyq kórsetip, bas tartýyna qaramastan, olar ony kólikke kúshtep salyp, Túrkistan oblysyna jol tartady. Alaıda polıııa qyzmetkerleri olardy Taraz qalasynyń shyǵa berisinde ustady» – delingen habarlamada.

Osyǵan baılanysty oblys prokýratýrasy qyz alyp qashý sııaqty oılanbaı istegen is-áreket úshin 15 jylǵa deıin bas bostandyǵynan aıyrý jazasy kútip turǵanyn eske salady.

Bul rette urlanǵan adamdy óz erkimen bosatqan adamnyń áreketinde ózge qylmys quramy bolmasa, qylmystyq jaýapkershilikten bosatylady.

Osy aıdarda

Dobavıt kommentarıı

Close