Jańalyqtar

Telegram arqyly týý týraly kýálikke tapsyrys berýge bolady

EgovKzBot telegramm-boty arqyly usynylatyn memlekettik qyzmetterdiń tizimi taǵy eki qyzmetke tolyqty, dep habarlaıdy QazAqparat.
«Ulttyq aqparattyq tehnologııalar» AQ iske qosqan bot arqyly buǵan deıin 13 memlekettik qyzmet pen servıs kórsetiletin. Onyń ishinde keń taralǵan qyzmet túri jeteý bolatyn. Olar — anyqtama, áleýmettik mártebeni tekserý men bazalyq zeınetaqy tóleminiń kólemi týraly aqparat alý, emhanaǵa tirkelý, dárigerge jazylý jáne dárigerdi úıge shaqyrtý, sondaı-aq halyqqa qyzmet kórsetý ortalyǵynda (HQO) kezekti brondaý qyzmetteri.
Endi bot arqyly ózińizge jaqyn jerde ornalasqan HQO týraly bilip, sondaı-aq bala týýǵa baılanysty proaktıvti qyzmetterdi alý múmkindigi týdy. Basqasha aıtqanda, týý týraly kýálikke tapsyrys berý, bala týý boıynsha járdemaqylardy rásimdeý jáne sábıdi balabaqshaǵa kezekke qoıý tipti jeńildeı tústi.
Aıta keteıik, telegram-bot arqyly memlekettik qyzmetterdi alý úshin «Mobıldi azamattar bazasyna» tirkelý qajet, ıaǵnı eGov.kz portalyndaǵy jeke kabınette telefon nómirińizdi JSN-ge bekitip, óz gadjetińizdegi Telegram messendjerinde botty iske qosý kerek.
Sosyn aldyn-ala belgilengen komandalardy joldap, SMS-kodpen rastaý arqyly anyqtamalar men servıster týraly aqparatty surata alasyz. Sondaı-aq barlyq aqparatty qoldanýshynyń elektrondyq poshtasyna joldaý múmkindigi de qarastyrylǵan.
eGov.kz portalynyń mamyrda iske qosylǵan telegram-boty arqyly qazaqstandyqtar shamamen 14 myńdaı memlekettik qyzmet aldy.

Derekkóz: https://www.inform.kz/kz/endi-tuu-turaly-kualikke-telegram-arkyly-tapsyrys-beruge-bolady_a3401083

Osy aıdarda

Dobavıt kommentarıı

Close