جاڭالىقتار

بۇگىن جەكە تۇلعالار ءۇشىن م ۇلىك پەن جەر سالىعىن تولەۋ مەرزىمى اياقتالادى

قر سالىق كودەكسىنىڭ 532-بابىنىڭ 6-تارماعىنا سايكەس, م ۇلىك سالىعى نىسان ورنالاسقان جەرى بويىنشا وتكەن ەسەپتى سالىقتىق كەزەڭنەن كەيىنگى جىلدىڭ 1 قازانىنان كەشىكتىرمەي تولەنۋى ءتيىس.

سونداي-اق, قر سالىق كودەكسىنىڭ 514-بابىنىڭ 3-تارماعىنا سايكەس, جەكە تۇلعالار سالىق ورگاندارى ەسەپتەگەن جەر سالىعىن وتكەن ەسەپتىك سالىقتىق كەزەڭنەن كەيىنگى جىلدىڭ 1 قازانىنان كەشىكتىرمەي تولەنۋى ءتيىس.

سايكەسىنشە, 2018 جىل ءۇشىن م ۇلىك جانە جەر سالىعى 2019 جىلدىڭ 1 قازانىنان كەشىكتىرمەي تولەنۋى ءتيىس. قولدانىستاعى قر سالىق زاڭناماسىندا ايىپپۇل ەسەپتەۋ شارالارى كورسەتىلمەگەن. تەك سالىقتى ۋاقىتىلى تولەمەگەن جاعدايدا وتكىزىلگەن ءار كۇنگە ءوسىمپۇل ەسەپتەلەدى.

سونداي-اق, اعىمداعى جىلدىڭ اياعىنا دەيىن جەكە تۇلعالارعا ارنالعان سالىقتىق راقىمشىلىق ءۇردىسى جۇرۋدە. ونىڭ ەرەجەلەرىنە سايكەس, جەكە تۇلعا بەرەشەگىنىڭ نەگىزگى سوماسىن وتەگەن جاعدايدا ءوسىمپۇل اۆتوماتتى تۇردە ەسەپتەن شىعارىلادى.

مەملەكەتتىك كىرىستەر كوميتەتىنىڭ ءباسپاسوز قىزمەتى الەۋمەتتىك جەلىلەر مەن مەسسەندجەرلەر ارقىلى وتكەن سالىقتىق كەزەڭدەر ءۇشىن بەرەشەگى بار ازاماتتار بورىشىن ا.ج. 1 قازانىنا دەيىن وتەمەگەن جاعدايدا 8 اەك (20000 تەڭگە شاماسىندا) كولەمىندەگى ايىپپۇل ەسەپتەلەتىنى تۋرالى حابارلاما شىندىققا جاناسپايتىنىن ەسكە سالادى.

سالىق تولەۋشىلەر بورىشتارىنىڭ بار-جوعىن مەملەكەتتىك كىرىستەر كوميتەتىنىڭ سايتىنان تەكسەرە الادى.

وسى ايداردا

دوباۆيت كوممەنتاري

Close