Jańalyqtar

Búgin jeke tulǵalar úshin múlik pen jer salyǵyn tóleý merzimi aıaqtalady

QR Salyq kodeksiniń 532-babynyń 6-tarmaǵyna sáıkes, múlik salyǵy nysan ornalasqan jeri boıynsha ótken esepti salyqtyq kezeńnen keıingi jyldyń 1 qazanynan keshiktirmeı tólenýi tıis.

Sondaı-aq, QR Salyq kodeksiniń 514-babynyń 3-tarmaǵyna sáıkes, jeke tulǵalar salyq organdary eseptegen jer salyǵyn ótken eseptik salyqtyq kezeńnen keıingi jyldyń 1 qazanynan keshiktirmeı tólenýi tıis.

Sáıkesinshe, 2018 jyl úshin múlik jáne jer salyǵy 2019 jyldyń 1 qazanynan keshiktirmeı tólenýi tıis. Qoldanystaǵy QR Salyq zańnamasynda aıyppul esepteý sharalary kórsetilmegen. Tek salyqty ýaqytyly tólemegen jaǵdaıda ótkizilgen ár kúnge ósimpul esepteledi.

Sondaı-aq, aǵymdaǵy jyldyń aıaǵyna deıin jeke tulǵalarǵa arnalǵan salyqtyq raqymshylyq úrdisi júrýde. Onyń erejelerine sáıkes, jeke tulǵa beresheginiń negizgi somasyn ótegen jaǵdaıda ósimpul avtomatty túrde esepten shyǵarylady.

Memlekettik kirister komıtetiniń baspasóz qyzmeti áleýmettik jeliler men messendjerler arqyly ótken salyqtyq kezeńder úshin bereshegi bar azamattar boryshyn a.j. 1 qazanyna deıin ótemegen jaǵdaıda 8 AEK (20000 teńge shamasynda) kólemindegi aıyppul esepteletini týraly habarlama shyndyqqa janaspaıtynyn eske salady.

Salyq tóleýshiler boryshtarynyń bar-joǵyn Memlekettik kirister komıtetiniń saıtynan teksere alady.

Osy aıdarda

Dobavıt kommentarıı

Close