Elimizde oralmandarǵa arnalǵan jol kartasynyń jobasy ázirlendi

QR Aqparat jáne qoǵamdyq damý mınıstrligi repatrıanttardan qujattardy «bir tereze» arqyly qabyldaýdy usynyp otyr. Bul týraly búgin atalǵan mınıstrlikke qarasty Etnıkaaralyq qatynastardy damytý departamenti dırektorynyń orynbasary Erkin Úısimbaev aıtty.

«Mınıstrlik «Otandastar» qorymen jáne «Azamattarǵa arnalǵan Úkimet» korporaııasymen birlesip, repatrıanttarǵa qyzmet kórsetý proesin reınjınırıngteý boıynsha usynystar ázirledi. Atalǵan usynys Izraıl, Germanııa, Polsha, Vengrııa, Avstrııa, Meksıka, Túrkııa jáne Grýzııa syndy elderdiń sheteldegi repatrıanttar qoǵamdastyǵyn qoldaý saıasatyn eskergen», — dedi ol elordada ótken Aqparat jáne qoǵamdyq damý salasyndaǵy qoǵamdyq keńestiń otyrysynda.

Onyń atap ótýinshe, repatrıanttarǵa memlekettik qyzmet kórsetý barysynda bıznes-proesterdi ońtaılanyrý úshin «bir tereze» qaǵıdatymen jol kartasynyń jobasyn ázirlegen. Joba qysqa merzimdi kezeńde BAQ-ta jarııa etý, normatıvtik-quqyqtyq qamtamasyz etý, tehnıkalyq júzege asyrý, ońtaılandyrylǵan proesti iske qosý sharalaryn qamtıdy. Sonymen qatar, etnıkalyq qazaqtar tyǵyz qonystanǵan elderdiń birinde ilki jobany júzege asyrý da kózdelip otyr.

«Saraptama qazaqstandyq qoǵamǵa repatrıanttardyń aýyrtpalyqsyz ıntegraııalanýy kedergi keltiretin birneshe problemany anyqtady. Repatrıanttardyń quqyq qorǵaý jáne atqarýshy organdarmen baılanysynyń kóp satyly tizbegi qujattardyń bir túrin usynýdy talap etedi. Buǵan qosa, memlekettik organdardyń aqparattyq júıesi bir-birimen yqpaldastyrylmaǵan. Bul qyzmet alýshynyń aıtarlyqtaı materıaldyq shyǵyndanýyna sebep bolyp, ýaqytyn da bosqa ketiredi. Ormalmandardyń zań bilmeýi jáne kırıllıamen jazbasha qujattardy daıyndaý daǵdylarynyń bolmaýy da jaǵdaıdy kúrdelendire túsedi. Sondyqtan repatrıanttar belgili bir qujattardy usyný barysynda merziminen keshiktiredi. Al bul ákimshilik jaýapkershilikke dýshar etedi. «Bir tereze» prınıpi arqyly júzege asyrylatyn úılesimdi qyzmetti engizý osy máseleni sheshedi», — dedi ol.

Derekkóz: QazAqparat