Qazaqstandyqtar messedjerler arqyly anyqtamalar ala alady

Qazaqstandyqtar budan bylaı tanymal messedjerler arqyly birqatar qajetti anyqtama ala alady. Bul týraly «Ulttyq aqparattyq tehnologııalar» AQ basqarma tóraǵasy Áset Turysov málim etti.

«Kórip otyrǵanymyzdaı, áleýmettik jeliler kúndelikti ómirimizdiń bir bóligine aınalyp ketti. Mine, osy jaıdy eskere otyryp, memlekettik qyzmet alýdyń qosymsha yńǵaıly servısterin iske qosýdy jón dep sheshtik. Qyrkúıekte synaq túrinde chat-bottardy iske qosqan edik. Qazir paıdalanýshylardyń kúnnen-kúnge artyp kele jatqanyn baqylap otyrmyz. Búgingi kúni Telegram-bot arqyly 20 memlekettik qyzmetti alýǵa bolady. Sol sekildi, «VKontakte» arqyly 19, «Facebook» arqyly 15 memlekettik qyzmettiń túri qoljetimdi. Jazylǵan pikirlerdi eskere otyryp, qyzmet túrin arttyrǵan abzal dep otyrmyz», — dedi Áset Turysov elordadaǵy «ıfrlyq kúzdiń» tanystyrylýynda.

Osydan keıin Á.Turysov chat-bottardyń qalaı jumys isteıtinin túsindirip berdi.

Aıtýynsha, aldymen áleýmettik jelini paıdalanýshy tıisti habarlamany jiberedi. Al aqyldy júıe adamdardyń qatysýynsyz operatorlarǵa kelgen qyzmetterdi teń bólip beredi. Iaǵnı, tıisti nómir alyp, atqarýshy avtomatty túrde taǵaıyndalady. Mundaı júıe jumys barysyn tıimdi basqarýǵa múmkindik beredi. Paıdalanýshyǵa suraýyn oryndaýshylardyń aty-jóni men baılanys nómiri týraly habarlama túsedi. Osylaısha, paıdalanýshy vırtýaldy keńesshimen sóılese otyryp, belgili bir memlekettik qyzmetti ala alady.

Eske sala ketsek, búgingi «ıfrlyq kúzde» QR ıfrlyq damý, ınnovaııalar jáne aeroǵarysh óndirisi mınıstri Asqar Jumaǵalıev eGov-tyń jańartylǵan mobıldi qosymshasy iske qosylatynyn málim etken edi.
Sonymen birge, «Azamattarǵa arnalǵan úkimet» memlekettik korporaııa basqarmasynyń tóraǵasy Ásemgúl Baltasheva mekenjaı anyqtamasynan bólek taǵy 28 anyqtamanyń da joıylatynyn jarııalady.

Derekkóz: https://www.inform.kz/kz/kazakstandyktar-messedzherler-arkyly-anyktamalar-ala-alady_a3571471