2 paıyzdyq ıpoteka: Qansha otbasy páter alady

Turǵyn úı qurylys jınaq banki arqyly jyldyq 2 paıyzdyq nesıemen 5 myń otbasynyń baspana jaǵdaıy jaqsartylady. Bul týraly QR Indýstrııa jáne ınfraqurylymdyq damý mınıstri Beıbit Atamqulov aıtty.

«Az qamtylǵan kópbalaly otbasylaryna, tolyq emes otbasylar men múmkindigi shekteýli balalary bar otbasylaryna Turǵyn úı qurylys jınaq banki arqyly jyldyq 2 paıyz boıynsha kredıt berý bastaldy. Bul 5 myńnan astam otbasynyń turǵyn úı jaǵdaıyn jaqsartýǵa múmkindik beredi», — dedi B. Atamqulov Parlament Májilisinde «Nurly jer» baǵdarlamasynyń júzege asyrylýyna arnalǵan Úkimet saǵatynda.

Onyń sózine qaraǵanda, aǵymdaǵy jyldyń 1 qazanynda respýblıkada 3864 ótinim qabyldandy, sonyń ishinde 33 mlrd teńge somasyndaǵy 3236 ótinim maquldandy.

Sonymen birge, QR Tuńǵysh Prezıdentiniń tapsyrmasy boıynsha Jastar jyly aıasynda bıyl Nur-Sultan, Almaty jáne Shymkent qalalaryndaǵy jumys isteıtin 3 myń jastar úshin úsh myńnan kem emes jalǵa beriletin páter qurylysy bastaldy. 2021 jylǵa deıin 9 myń jalǵa beriletin páter salý josparlanǵan. Budan buryn habarlanǵandaı, Úkimet saǵatynda 2019 jyly kópbalaly otbasylarǵa 8 myńnan asa páter beriletini aıtyldy.

Derekkóz: https://www.inform.kz/kz/2-payyzdyk-ipoteka-kansha-otbasy-pater-alady_a3572709