جاڭالىقتار

كوپبالالى وتباسىلارعا تابىسقا قاراماستان مەملەكەتتىك جاردەماقى بەرىلەدى

كوپبالالى وتباسىلاردىڭ قۇرامىنداعى بالالارعا تابىسقا قاراماستان مەملەكەتتىك جاردەماقى بەرىلەدى. بۇل تۋرالى بۇگىن ۇكىمەت وتىرىسىندا قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى.
ونىڭ اتاپ وتۋىنشە, مينيسترلىك اتاۋلى الەۋمەتتىك كومەكتى بەرۋدىڭ قولدانىستاعى جۇيەسىن وزگەرتەتىن زاڭ جوباسىن ازىرلەدى. باستى باعىت — ەڭبەككە ىنتالاندىرۋ, ازاماتتاردىڭ تابىستارىن جانە مەملەكەتتىك قولداۋ مولشەرىن ەسەپكە الۋعا قاتىستى اشىقتىق پەن ادىلەتتىكتى قامتاماسىز ەتۋ.
«ۇسىنىلعان شارالار كەشەندى تۇردە قارالۋى قاجەت. سوندىقتان ۇسىنىلىپ وتىرعان جاڭا ۇستانىمدار كوپبالالى انالاردى قولداۋدى, جاڭارتىلعان اتاۋلى الەۋمەتتىك كومەكتى, كەپىلدى الەۋمەتتىك توپتامانى قامتيتىن بولادى», — دەدى ول.
مينيستر دەرەگىنشە, اتاۋلى الەۋمەتتىك كومەكتى الاتىن بالالاردىڭ 60 پايىزدان استامى كوپبالالى وتاسىلاردان شىققان.
«وسىعان بايلانىستى ااك الۋ ءۇشىن كوپبالالى وتباسىلار قۇرامىنداعى بالالارعا تابىسقا قاراماستان بەرىلەتىن مەملەكەتتىك جاردەماقىعا اۋىستىرۋدى ۇسىنامىز. بۇل كوپبالالى انالاردىڭ بەدەلىن مويىنداپ, ولاردىڭ ءال-اۋقاتىن ارتتىرۋ جولى بولار ەدى. كوپبالالى وتباسىلارعا بەرىلەتىن جاڭا مەملەكەتتىك جاردەماقىنى وتباسى بالالارىنىڭ سانىنا قاراي 42500 تەڭگەدەن 73 مىڭ تەڭگەگە دەيىن سارالانعان اەك-كە ەسەلەنگەن مولشەردە بەلگىلەۋ ۇسىنىلادى», — دەدى ب.نۇرىمبەتوۆ.

دەرەككوز:https://www.inform.kz/kz/kopbalaly-otbasylarga-tabyska-karamastan-memlekettik-zhardemaky-beriledi_a3572629

وسى ايداردا

دوباۆيت كوممەنتاري

Close