Qazaqstan Respýblıkasynyń azamattyǵyn alý

 Qazaqstan Respýblıkasynyń «Qazaqstan Respýblıkasynyń azamattyǵy týraly» Zańynyń  10 babyna sáıkes  azamattyq:

• týýy boıynsha;
• Qazaqstan Respýblıkasynyń azamattyǵyna qabyldaý nátıjesinde;
• Qazaqstan Respýblıkasynyń halyqaralyq sharttarynda  kózdelgen negizder men tártip boıynsha;

• osy Zańda kózdelgen ózge de negizder boıynsha alynady.

Eger Siz basqa memlekettiń azamaty nemese azamattyǵy joq  adam bolsańyz, onda Siz ótinish berip:

• Qazaqstan Respýblıkasynyń «Qazaqstan Respýblıkasynyń azamattyǵy týraly» Zańynyń;
• Qazaqstan Respýblıkasynyń Prezıdenti janyndaǵy azamattyq máseleleri jónindegi komıssııa  erejeleriniń;
• Ishki ister organdarynyń Qazaqstan Respýblıkasy azamattyǵyna qabyldaý boıynsha ótinishhattardy (ótinishterid) qabyldaý, resimdeý jáne qaraý qaǵıdalarynyń;
• Qazaqstan Respýblıkasynyń shet eldegi mekemeleriniń Qazaqstan respýblıkasynyń azamattyǵy máselelerine qatysty qujattardy resimdeýi jónindegi nusqaýlyqtyń normalaryna sáıkes Qazaqstan Respýblıkasynyń azamattyǵyna qabyldana alasyz

 «Azamattyq týraly» Zańynyń 16 babyna sáıkes Qazaqstan Respýblıkasynyń azamattyǵyna:

• Qazaqstan Respýblıkasynyń aýmaǵynda zańdy negizde keminde bes jyl turaqty turatyn ne Qazaqstan Respýblıkasynyń azamattarymen keminde úsh jyl nekede turatyn adamdar (azamattyqqa qabyldaý týraly ótinishhatty bergen sátte Qazaqstan Respýblıkasynda turýdyń bes jyldyq merzimi úzdiksiz bolýy tıis);
• Qazaqstan Respýblıkasynyń azamatymen nekede turǵan adamdar  (keminde úsh jyl turaqty turatyn);
• Qazaqstan Respýblıkasy azamattarynyń ishinde jaqyn týystarynyń biri — balasy (onyń ishinde asyrap alǵan balasy), jubaıy (zaıyby) jáne ata-anasynyń bireýi (asyrap alýshysy), apa-qaryndasy, aǵa-inisi, atasy nemese ájesi bar, Qazaqstan Respýblıkasyna turaqty turý maqsatymen kelgen, burynǵy odaqtas respýblıkalardyń azamattary, Qazaqstan Respýblıkasynda turý merzimine qaramastan qabyldanatyn bolady.

Derekkóz: egov.kz