قر ازاماتتىعىنا قابىلداۋدىڭ جالپىعا بىردەي ءتارتىبى

جەڭىلدەتىلگەن تارتىپپەن ازاماتتىققا قابىلداۋ  قۇقىعى جوق جانە قازاقستان رەسپۋبليكاسىنىڭ ازاماتتىعىن قابىلداۋعا نيەت بىلدىرگەن شەتەلدىكتەر تۇرعىلىقتى جەرى بويىنشا كوشى-قون پوليتسياسىنىڭ اۋماقتىق بولىمشەلەرىنە  ءوتىنىشحات  بەرۋى ءتيىس. ءوتىنىشحات قازاقستان رەسپۋبليكاسى پرەزيدەنتىنىڭ اتىنا بەرىلەدى. وتىنىشتە ازاماتتىققا قابىلداۋ سەبەپتەرى كورسەتىلۋى ءتيىس.
ىشكى ىستەر ورگاندارىنىڭ قازاقستان رەسپۋبليكاسىنىڭ ازاماتتىعىنا قابىلداۋ بويىنشا ءوتىنىشحاتتاردى (وتىنىشتەردى) قابىلداۋ, رەسىمدەۋ جانە قاراۋ قاعيدالارىنا ىشكى ىستەر ورگاندارىنىڭ قازاقستان رەسپۋبليكاسى ازاماتتىعىمەن بايلانىستى  ماسەلەلەردى قاراۋ بويىنشا وتىنىشكە مىناداي قۇجاتتار قوسا تىركەلەدى:

• بەلگىلەنگەن نىسان بويىنشا ساۋالناما-ءوتىنىش;
• ءومىربايان;
• ولشەمى 3,5 ح 4,5 سم. ءتورت فوتوسۋرەت;
• قازاقستان رەسپۋبليكاسىنىڭ «قازاقستان رەسپۋبليكاسىنىڭ ازاماتتىعى تۋرالى» زاڭىنىڭ 1 بابىندا كوزدەلگەن شارتتاردى ساقتاۋ تۋرالى مىندەتتەمەسى;
• جەكە باسىن كۋالاندىراتىن جانە كەلىسىمگە قاتىسۋشى ەلدەردىڭ بىرەۋىنىڭ ازاماتتىعىنا تيەسىلىگىن راستايتىن قۇجاتتىڭ كوشىرمەسى;
• 1 اەك كولەمىندە مەملەكەتتىك باج سالىعىنىڭ تولەنگەنى نەمەسە ونى تولەۋدەن بوساتىلعانى تۋرالى قۇجات;
• باسقا مەملەكەتتىڭ قۇزىرەتتى ورگانمەن بەرىلگەن بۇرىنعى ازاماتتىعى  جوقتىعى نەمەسە  توقتاتىلعانى تۋرالى انىقتاما.

اتالعان قۇجاتتاردان باسقا:

• قازاقستان رەسپۋبليكاسى پرەزيدەنتىنىڭ  2005 جىلعى 6 ماۋسىمداعى N 1587 جارلىعىمەن ولارعا قاتىستى ازاماتتىققا قابىلداۋدىڭ جەڭىلدەتىلگەن ءتارتىبى بەلگىلەنگەن ادامدار ءۇشىن كاسىپتەر مەن تالاپتار تىزبەسىنىڭ  تالاپتارىنا جاۋاپ بەرەتىن  ادامدار   — بەيىندى مەملەكەتتىك ورگاننىڭ ءوتىنىشحاتىن;
• قازاقستان رەسپۋبليكاسىنا تاريحي وتانى رەتىندە تۇراقتى تۇرۋعا قايتىپ كەلگەن ادامدار ءۇشىن – ورالمان كۋالىگى  جانە بۇرىنعى ازاماتتىعىناان باس تارتۋ تۋرالى ءوتىنىشى;
• قازاقستان رەسپۋبليكاسىنىڭ ازاماتتىعىنا قابىلداۋ تۋرالى ءوتىنىشحات ء(وتىنىش) بىلدىرگەن ادام ءوتىنىش بەرگەن ساتتە قازاقستان رەسپۋبليكاسىنىڭ ازاماتىمەن نەكەدە تۇرسا, وندا نەكە تۋرالى كۋالىكتىڭ نوتاريالدى كۋالاندىرعان كوشىرمەسىن تاپسىرادى.
• قازاقستان رەسپۋبليكاسىنا تۇراقتى تۇرۋ ماقساتىندا كەلگەن جانە جاقىن تۋىستارىنىڭ بىرەۋى قازاقستان رەسپۋبليكاسىنىڭ ازاماتتارى بولىپ تابىلاتىن بۇرىنعى وداقتاس رەسپۋبليكالاردىڭ ازاماتتارى ولاردىڭ قازاقستان رەسپۋبليكاسىنىڭ ازاماتتارىمەن تۋىستىق دەڭگەيىن كۋالاندىراتىن قۇجاتتاردى (تۋ تۋرالى كۋالىك, نەكە تۋرالى كۋالىك جانە ت.ب.) ۇسىنادى.

اۋداندىق (قالالىق) ىشكى ىستەر ورگاندارى  ازاماتتىققا قابىلداۋ تۋرالى مالىمەتتەردى وبلىستاردىڭ جانە استانا, الماتى جانە شىمكەنت قالالارىنىڭ ىشكى ىستەر دەپارتامەنتتەرىنە تاپسىرادى, ال ولار  قۇجاتتاردى تەكسەرىپ, ولار بويىنشا تۇجىرىمداما جاساپ, ىشكى ىستەر مينيسترلىگىنە تابىستايدى. ىىم ول مالىمەتتەردى ءوز تۇجىرىمداماسىمەن بىرگە قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىقتىق بولىمىنە جولدايدى.

egov.kz