تۇرعىلىقتى جەرى بويىنشا ۋاقىتشا تىركەۋ (ۋاقىتشا تىركەلۋ)

قازاقستان رەسپۋبليكاسىنىڭ ءار ازاماتى تۇرعىلىقتى جەرى بويىنشا تىركەۋى بولۋى ءتيىس. قازاقستاندا تۇراقتى جانە ۋاقىتشا تۇرۋ ورنى بويىنشا حالىقتى ەسەپكە الۋ زاڭنامادا ۇنەمى كوزدەلگەن.

تۇرعىلىقتى جەرى بويىنشا تىركەلۋدىڭ 2 ءتۇرى بار  — تۇراقتى جانە ۋاقىتشا.

• تۇراقتى تىركەۋ – بۇل تۇرعىلىقتى جەرى بويىنشا تىركەۋ.
• ۋاقىتشا  تىركەۋ – بۇل ازاماتتىڭ 1 ايدان ارتىق ۋاقىتشا كەلۋ (تۇرۋ) ورنى بويىنشا تىركەۋ.

اتالمىش ماقالادا ءبىز «ۋاقىتشا تىركەۋ» تۇسىنىگىنە, ول قالاي جانە قانداي جاعدايلاردا رەسىمدەلەتىنىنە تولىق توقتالامىز.

2017 جىلعى 7 قاڭتاردا «حالىقتىڭ كوشى-قونى تۋرالى», «تۇرعىن ءۇي قاتىناستارى تۋرالى» قازاقستان رەسپۋبليكاسىنىڭ زاڭدارىنا ەنگىزىلگەن وزگەرتۋلەر كۇشىنە ەندى, ول زاڭداردا ازاماتتىڭ ۋاقىتشا كەلۋ ورنى بويىنشا تىركەلۋ مىندەتى, سونداي-اق مەنشىك يەلەرى نەمەسە تۇرعىن ءۇيدى جالعا بەرۋگە ۋاكىلەتتى ادامداردىڭ وندا تۇراتىن ادامداردى تىركەۋ مىندەتى كوزدەلەدى.

تىركەۋ بويىنشا جاڭا ەرەجەلەر تۇرعىلىقتى جەرىن ۋاقىتشا وزگەرتكەن ادامدارعا قاتىستى. قوناققا, سونداي-اق باسقا دا جۇمىستار بويىنشا ءبىر ايعا دەيىنگى مەرزىمگە كەلگەن ادامدار تىركەلمەۋىنە بولادى.

«ۋاقىتشا تۇرعىندار» تۇسىنىگى «تۇرعىن ءۇي قاتىناستارى تۋرالى» قازاقستان رەسپۋبليكاسى زاڭىنىڭ 2-بابىندا انىقتالعان (ۋاقىتشا تۇرعىندار – جالداۋشى (مەنشىك يەسى, تۇرعىن ءۇي كووپەراتيۆىنىڭ مۇشەسى) تۇرعىن ءۇيدى پايدالانعانى ءۇشىن تولەم الۋسىز تۇرعىن ۇيگە ۋاقىتشا تۇرۋ قۇقىعى ۇسىنىلاعان  ازاماتتار).

ۋاقىتشا تۇرۋ ورنى بويىنشا 1 ايدان ارتىق مەرزىمگە تۇرۋعا كەلگەن ازامات 1 ايدان ارتىق مەرزىمگە كەلسە, 10 كۇن ىشىندە تىركەلۋگە مىندەتتى.