Tirkeýge turý

Turǵylyqty jeri boıynsha ýaqytsha tirkeý (ýaqytsha tirkelý)

Qazaqstan Respýblıkasynyń ár azamaty turǵylyqty jeri boıynsha tirkeýi bolýy tıis. Qazaqstanda turaqty jáne ýaqytsha turý orny boıynsha halyqty esepke alý zańnamada únemi kózdelgen.

Turǵylyqty jeri boıynsha tirkelýdiń 2 túri bar  — turaqty jáne ýaqytsha.

  • Turaqty tirkeý – bul turǵylyqty jeri boıynsha tirkeý.
  • Ýaqytsha  tirkeý – bul azamattyń 1 aıdan artyq ýaqytsha kelý (turý) orny boıynsha tirkeý.

Atalmysh maqalada biz «Ýaqytsha tirkeý» túsinigine, ol qalaı jáne qandaı jaǵdaılarda resimdeletinine tolyq toqtalamyz.

2017 jylǵy 7 qańtarda «Halyqtyń kóshi-qony týraly», «Turǵyn úı qatynastary týraly» Qazaqstan Respýblıkasynyń zańdaryna engizilgen ózgertýler kúshine endi, ol zańdarda azamattyń ýaqytsha kelý orny boıynsha tirkelý mindeti, sondaı-aq menshik ıeleri nemese turǵyn úıdi jalǵa berýge ýákiletti adamdardyń onda turatyn adamdardy tirkeý mindeti kózdeledi.

Tirkeý boıynsha jańa erejeler turǵylyqty jerin ýaqytsha ózgertken adamdarǵa qatysty. Qonaqqa, sondaı-aq basqa da jumystar boıynsha bir aıǵa deıingi merzimge kelgen adamdar tirkelmeýine bolady.

«Ýaqytsha turǵyndar» túsinigi «Turǵyn úı qatynastary týraly» Qazaqstan Respýblıkasy Zańynyń 2-babynda anyqtalǵan (ýaqytsha turǵyndar – jaldaýshy (menshik ıesi, turǵyn úı kooperatıviniń múshesi) turǵyn úıdi paıdalanǵany úshin tólem alýsyz turǵyn úıge ýaqytsha turý quqyǵy usynylaǵan  azamattar).

Ýaqytsha turý orny boıynsha 1 aıdan artyq merzimge turýǵa kelgen azamat 1 aıdan artyq merzimge kelse, 10 kún ishinde tirkelýge mindetti.

Osy aıdarda

Dobavıt kommentarıı

Close