16 535 этникалық қазақ қандас мәртебесін алды

Фото: ашық дереккөз

Биыл 16 535 этникалық қазақ қандас мәртебесін алды, деп жазады  qandastar.kz  ktk.kz-ке сілтеме жасап.

Еңбек және халықты әлеуметтік қорғау министрлігінің мәліметіне сәйкес, 2024 жылы Қазақстанға келген қандастардың 45,9%-ы Қытайдан, 39,2%-ы Өзбекстаннан, 5,8%-ы Моңғолиядан, 5,2%-ы Түркіменстаннан, 2,8%-ы Ресейден және 1,1%-ы басқа елдерден келген. . 2024 жылғы 1 қарашадағы жағдай бойынша мигранттардың 57,4%-ы еңбек жасындағылар, 33,2%-ы кәмелетке толмағандар, 9,4%-ы зейнеткерлер. Еңбекке жарамды жастағы үміткерлер арасында жоғары білімді – 17,8%, арнаулы орта білімді – 24,8%, жалпы орта білімді – 54,4%, білімі жоқ – 3%.

2024 жылға арналған қоныс аудару аймақтарына кандидаттарды қабылдау квотасы 3033 адамды құрайды. 2024 жылғы 1 қарашадағы жағдай бойынша өңірлерге 2841 мигрант қоныстандырылды. Сондай-ақ, жыл басынан бері 2390 үміткерге қолдау шаралары көрсетіліп, оның ішінде 763 адам тұрақты жұмысқа орналастырылды.