ۆيزانىڭ تۇرلەرى

قازاقستان رەسپۋبليكاسىندا تۇراقتى تۇرۋعا ارنالعان ۆيزا (ۆ8) قازاقستان رەسپۋبليكاسىنا قازاقستان رەسپۋبليكاسىندا تۇراقتى تۇرۋعا رۇقساتتى رەسىمدەۋ ءۇشىن جىبەرىلگەن ادامدارعا, قازاقستان رەسپۋبليكاسىنا تۇراقتى تۇرۋ ماقساتىندا جىبەرىلگەن ادامدارعا بەرىلەدى. قازاقستان رەسپۋبليكاسى راتيفيكاتسيالاعان ۆيزاسىز كەلۋ ءتارتىبى تۋرالى حالىقارالىق شارتتارى بار ەلدەردەن قازاقستان رەسپۋبليكاسىندا جۇرگەن, سونداي-اق قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىنىڭ 17-تارماعىندا كوزدەلگەن مەملەكەتتەردىڭ ازاماتتارى, جانە قازاقستان رەسپۋبليكاسىندا تۇراقتى تۇرۋعا رۇقسات الۋ ءۇشىن ىشكى ىستەر ورگاندارىنا جۇگىنگەن ادامدارعا. ءبىر مارتەلىك جانە كوپ مارتەلىك ۆيزالار 90 تاۋلىككە دەيىنگى مەرزىمگە بەرىلەدى.

جەكە ساپارعا ارنالعان ۆيزا (ۆ10) قازاقستان رەسپۋبليكاسىنا جەكە جۇمىستارىمەن باراتىن ادامدارعا; مەملەكەتتەر تىزبەگىندە كورسەتىلگەن مەملەكەتتەر ازاماتتارىنا; قازاقستان رەسپۋبليكاسىنا تۋىستارى مەن جاقىندارىن جەرلەۋگە نەمەسە ولاردىڭ اۋىر ناۋقاستانۋلارى سەبەبىمەن كەلەتىن ادامدارعا — راستاۋشى قۇجاتتارى بولعان جاعدايدا; بۇرىنعى وتانداستارعا; قازاقستان رەسپۋبليكاسىنىڭ ازاماتىمەن بىرگە قازاقستان رەسپۋبليكاسىنا كەلەتىن جۇبايلارىنا, بالالارىنا (سونىڭ ىشىندە اسىراپ العان  ۇل/ قىزدارىن) نەمەسە اتا-انالارىنا (قامقورشىلارىنا, قورعانشىلارىنا) (تۋىستىعىن راستايتىن قۇجاتتار بولعان جاعدايدا), قازاقستان رەسپۋبليكاسىنا ەتنيكالىق قازاقتارمەن بىرگە كەلەتىن  جۇبايلارىنا, بالالارىنا (ەتنيكالىق قازاق بولىپ تابىلمايتىن)  بەرىلەدى.

ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك  180 تاۋلىككە دەيىن بەرىلەدى.

قازاقستان رەسپۋبليكاسىنىڭ ازاماتتارىن اسىراپ الۋعا ارنالعان ۆيزا (ۆ11) قازاقستان رەسپۋبليكاسىنا قازاقستان رەسپۋبليكاسى ازاماتتارىن اسىراپ الۋعا جىبەرىلەتىن ادامدارعا بەرىلەدى.

ءبىر مارتەلىك ۆيزا 180 تاۋلىككە دەيىنگى مەرزىمگە, كوپ مارتەلىك 1 جىلعا دەيىنگى مەرزىمگە بەرىلەدى.

تۋريزم ماقساتىنداعى ۆيزا (ۆ12) تۋريستىك ۆيزا قازاقستان رەسپۋبليكاسىنا تۋريست رەتىندە كەلەتىن ادامدارعا بەرىلەدى. ءبىر مارتەلىك ۆيزا  جانە كوپ مارتەلىك ۆيزا 90 تاۋلىككە دەيىنگى مەرزىمگە بەرىلەدى. ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك 90 تاۋلىككە دەيىن بەرىلەدى.

ترانزيتپەن وتۋگە ارنالعان ۆيزا (ۆ13) قازاقستان رەسپۋبليكاسىنا قازاقستان رەسپۋبليكاسىنىڭ اۋماعى ارقىلى ترانزيتپەن ءوتۋ ءۇشىن جىبەرىلگەن ادامدارعا بەرىلەدى. ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك 180 تاۋلىككە دەيىن بەرىلەدى.

قازاقستان رەسپۋبليكاسى اۋماعىنان شىعىپ كەتۋگە ارنالعان ۆيزا (ۆ14, ۆ15, ۆ16, ۆ17, ۆ18, ۆ19, ۆ20, ۆ21, ۆ22) قازاقستان رەسپۋبليكاسى اۋماعىنان تىس جەرگە تۇراقتى تۇرۋعا كەتكەن كەزدە قازاقستان رەسپۋبليكاسىندا تۇراقتى تۇراتىن ادامدارعا, قازاقستان رەسپۋبليكاسى اۋماعىندا پاسپورتىنىنان ايىرىلعان ادامدارعا, ولارعا قاتىستى قازاقستان رەسپۋبليكاسىندا بولۋ مەرزىمىن قىسقارتۋ تۋرالى شەشىم قابىلدانعان ادامدارعا, ەگەر ولاردىڭ قازاقستان رەسپۋبليكاسىندا  بۇدان ءارى بولۋىنا نەگىز جوق بولسا, ولارعا قاتىستى ەلدەن قۋمەن بايلانىستى ەمەس اكىمشىلىك جاۋاپكەرشىلىككە تارتۋ شارالارى قولدانىلعان ادامدارعا, ەگەر ولاردىڭ قازاقستان رەسپۋبليكاسىندا بۇدان ءارى بولۋىنا نەگىز جوق بولسا, قازاقستان رەسپۋبليكاسى اۋماعىنا ۆيزاسىز كەلگەن ادامدارعا, جازاسىن تولىق وتەگەن  نەمەسە جازادان بوساتىلعان, پروباتسيالىق باقىلاۋ مەرزىمى ءوتىپ كەتكەن, جازانى ورىنداۋدى كەيىنگە قالدىرۋ مەرزىمى وتكەن, قازاقستان رەسپۋبليكاسى اۋماعىنان ۆيزانىڭ كولدانىس مەرزىمى نەمەسە رۇقسات ەتىلگەن ۆيزاسىز مەرزىمى اياقتالعانعانعا دەيىن كەتۋگە كەدەرگى جاسايتىن فورس-ماجورلىق جاعدايلاردىڭ, پويىزدىڭ ءجۇرۋى نەمەسە وزگە كولىك قۇرالى رەيسىنىڭ توقتالۋىن جانە كىدىرۋىنىڭ پايدا بولۋىن دالەلدەيتىن قۇجاتتاردى ۇسىنعان ادامدارعا, ولارعا قاتىستى قازاقستان رەسپۋبليكاسىنىڭ قىلمىستىق كودەكسىنە سايكەس اۋىر نەمەسە اسا اۋىر دەپ تانىلاتىن قىلمىس جاسالعانى تۋرالى حابارلاعان ادامدارعا,  قىلمىستىق جاۋاپكەرشىلىككە تارتىلعان, ولارعا قاتىستى قىلمىستىق ءىس توقتاتىلعان ادامدارعا, سونداي-اق, ولاردان قازاقستان رەسپۋبليكاسىنان كەتۋگە شەكتەۋلەر الىپ تاستالعان وزگە ادامدارعا بەرىلەدى.

ۆ14 ساناتىنداعى بىر مارتەلىك ۆيزا 90 تاۋلىككە دەيىنگى, ۆ15 ساناتتاعى ءبىر مارتەلىك ۆيزا — 30 تاۋلىككە دەيىنگى, بىراق پاسپورتتىڭ قولدانىس مەرزىمىنەن اسپايتىن مەرزىمگە بەرىلەدى, ۆ16, ۆ18, ۆ21 ساناتتارىنداعى ءبىر مارتەلىك ۆيزا — 30 تاۋلىككە دەيىن, ۆ17, ۆ19, ۆ20, ۆ22 ساناتتارىنداعى ءبىر مارتەلىك ۆيزا — 15 تاۋلىككە دەيىنگى مەرزىمگە بەرىلەدى.

قازاقستان رەسپۋبليكاسىندا تۇراقتى تۇرۋعا ارنالعان ۆيزا (س1) قازاقستان رەسپۋبليكاسىنا تۇراقتى تۇرۋ ماقساتىندا  كەلەتىن ەتنيكالىق قازاقستارعا بەرىلەدى. كوپمارتەلىك ۆيزا 1 جىلعا دەيىنگى مەرزىمگە بەرىلەدى.

وتباسىن بىرىكتىرۋگە ارنالعان ۆيزا (س2) قازاقستان رەسپۋبليكاسى ازامماتتارىنىڭ وتباسى مۇشەلەرى بولىپ تابىلاتىن, قازاقستان رەسپۋبليكاسىندا تۇراقتى تۇرىپ جاتقان  ادامدارعا,  قازاقستان رەسپۋبليكاسىندا تۇرۋعا ۋاقىتشا رۇقساتتى (كەمىندە ەكى جىل مەرزىمگە) العان ەتنيكالىق قازاقتارعا  جانە بۇرىنعى وتانداستارعا , قازاقستان رەسپۋبليكاسىندا تۇراقتى تۇرىپ جاتقان شەتەلدىكتەرگە جانە ازاماتتىعى جوق ادامدارعا, سونداي-اق بيزنەس-كوشىپ كەلۋشىلەرگە. ءبىر مارتەلىك ۆيزا   90 تاۋلىككە دەيىنگى مەرزىمگە, كوپ مارتەلىك  ءبىر جىلعا دەيىن بەرىلەدى.

ەڭبەك قىزمەتىن جۇزەگە اسىرۋعا ارنالعان ۆيزا (س3, س4, س5, س6) قازاقستان رەسپۋبليكاسىنا ەڭبەك قىزمەتىن جۇزەگە اسىرۋ ماقساتىندا  كەلگەن نەمەسە وسىندا  بولعان ادامدارعا, سونداي-اق ولاردىڭ وتباسى مۇشەلەرىنە,   ەكونوميكانىڭ باسىم سالالارىندا سۇرانىسقا يە كاسىپتەر بويىنشا ءوز بەتىنشە جۇمىسقا ورنالاسۋ ءۇشىن  قازاقستان رەسپۋبليكاسىنا كەلەتىن نەمەسە قازاقستان رەسپۋبليكاسىندا  بولعان ادامدارعا, بيزنەس-كوشىپ كەلۋشىلەرگە, ماۋسىمدىق شەتەلدىك قىزمەتكەرلەرگە  بەرىلەدى. ءبىر مارتەلىك ۆيزا س3 90 تاۋلىككە دەيىن بەرىلەدى (پاسپورتتارى قازاقستان رەسپۋبليكاسىمەن تانىلمايتىن ەلدەردىڭ ازاماتتارى ءۇشىن — 1 جىلعا دەيىن), كوپ مارتەلىك س3 — 3 جىلعا دەيىن (احقو قاتىسۋشىلارى مەن ورگاندارىنا, «استانا حاب» قاتىسۋشىلارىنىڭ قىزمەتكەرلەرىنە نەمەسە «استانا حاب» قىزمەتكەرلەرىنە – 5 جىلدان ارتىق ەمەس) نەمەسە رۇقساتتىڭ قولدانىلۋ مەرزىمىنە, ءبىر مارتەلىك س4, س5, س6 — 90 تاۋلىككە دەيىن, كوپ مارتەلىك س4 — 3 جىلعا دەيىن, كوپ مارتەلىك س5 — 2 جىلعا دەيىن (ەتنيكالىق قازاقتارعا – 3 جىلعا دەيىن), كوپ مارتەلىك س6 1 جىلعا دەيىن, بىراق رۇقساتتىڭ قولدانىلۋ مەرزىمىنەن ارتىق ەمەس.

ميسسيونەرلىك قىزمەتتى جۇزەگە اسىرۋعا ارنالعان ۆيزا (س7) قازاقستان رەسپۋبليكاسىنا ميسسيونەرلىك ماقساتپەن جىبەرىلگەن  ادامدارعا, سونداي-اق ولاردىڭ وتباسى مۇشەلەرىنە بەرىلەدى. ءبىر مارتەلىك ۆيزا   90 تاۋلىككە دەيىنگى مەرزىمگە, كوپ مارتەلىك  180 تاۋلىككە دەيىن بەرىلەدى.

گۋمانيتارلىق ۋاجدەر بويىنشا كوشىپ كەلۋ ۆيزاسى (س8) ءبىلىم بەرۋ, دەنساۋلىق ساقتاۋ جانە الەۋمەتتىك كومەك كورسەتۋ  سالاسىندا اقىسىز قىزمەت كورسەتۋ  ءۇشىن قازاقستان رەسپۋبليكاسىنا كەلەتىن ۆولونتەرلەرگە, سونداي-اق قازاقستان رەسپۋبليكاسىندا بەكىتىلگەن حالىقارالىق كەلىسىمشارتتار شەڭبەرىندە قايىرىمدىلىق, گۋمانيتارلىق كومەك كورسەتۋ جانە گرانتتاردى بەرۋ  ماقساتىندا   قازاقستان رەسپۋبليكاسىنا كەلەتىن ادامدارعا بەرىلەدى. ءبىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك 1 جىلعا دەيىنگى مەرزىمگە بەرىلەدى.

ءبىلىم الۋعا ارنالعان ۆيزا (س9) قازاقستان رەسپۋبليكاسىنا ورتا, تەحنيكالىق جانە كاسىپتىك, ورتا بىلىمىنەن كەيىنگى, جوعارى جانە جوعارى وقۋ ورنىنان كەيىنگى  ءبىلىم بەرۋ باعدارلامالارىن ىسكە اسىراتىن  ءبىلىم بەرۋ ۇيىمدارىنا ءتۇسۋ ماقساتىندا كەلەتىن ادامدارعا; قازاقستان رەسپۋبليكاسىنىڭ ورتا, تەحنيكالىق جانە كاسىپتىك, ورتا بىلىمىنەن كەيىنگى, جوعارى جانە جوعارى وقۋ ورنىنان كەيىنگى  ءبىلىم بەرۋ  باعدارلامالارىن ىسكە اسىراتىن  ءبىلىم بەرۋ ۇيىمدارىندا, سونىڭ ىشىندە وقۋشىلارمەن الماسۋدىڭ ۇيىمداستىرىلعان باعدارلامالارى بويىنشا وقىپ جاتقان ادامدارعا, سونداي-اق ولاردىڭ وتباسى مۇشەلەرىنە; قازاقستان رەسپۋبليكاسىناۆيزاسىز ءتارتىپ بويىنشا ۋاقىتشا كەلگەن جانە قازاقستان رەسپۋبليكاسىنىڭ وقۋ ورىندارىنا تۇسكەن ەتنيكالىق قازاقستارعا, سونداي-اق ولاردىڭ وتباسى مۇشەلەرىنە بەرىلەدى. بىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك 1 جىلعا دەيىنگى مەرزىمگە بەرىلەدى.

جەكە ساپارعا ارنالعان ۆيزا (ەتنيكالىق قازاقستار) (س10) ەتنيكالىق قازاقستارعا بەرىلەدى. بىر مارتەلىك ۆيزا 90 تاۋلىككە دەيىنگى مەرزىمگە, كوپ مارتەلىك 3 جىلعا دەيىنگى مەرزىمگە بەرىلەدى.

كامەلەتكە تولماعان ازاماتتارعا ارنالعان ۆيزا (س11) كامەلەتكە تولماعان (18 جاسقا دەيىن). بىر مارتەلىك ۆيزا 1 جىلعا دەيىنگى مەرزىمگە, ال كوپ مارتەلىك 3 جىلعا دەيىنگى مەرزىمگە بەرىلەدى.

ەمدەلۋگە ارنالعان ۆيزا (س12) قازاقستان رەسپۋبليكاسىنا ەمدەلۋ, مەديتسينالىق تەكسەرىلۋ جانە كونسۋلتاتسيالار ءۇشىن كەلەتىن ادامدارعا, سونداي-اق ولارمەن بىرگە جۇرگەن ادامدارعا; قازاقستان رەسپۋبليكاسىندا ۋاقىتشا بولاتىن ادامدارعا تۇراقتى ەمدەلۋ قاجەت بولعان جاعدايدا, سونداي-اق ولارمەن بىرگە جۇرگەن ادامدارعا, قازاقستان رەسپۋبليكاسىنا جاقىن تۋىستارىن — قازاقستان رەسپۋبليكاسىنىڭ ازاماتتارىن كۇتىپ-باعۋ ماقساتىندا كەلەتىن ادامدارعا, نەمەسە قازاقستان رەسپۋبليكاسى اۋماعىندا تۇراقتى تۇرىپ جاتقان جانە مەديتسينالىق مەكەمەدە ەمدەلىپ جاتقان شەتەلدىككە,   مەديتسينالىق مەكەمەلەردە ەمدەلىپ جاتقان  جاقىن تۋىستارىن- قازاقستان رەسپۋبليكاسىنىڭ ازاماتتارىن نەمەسە   قازاقستان رەسپۋبليكاسى اۋماعىندا تۇراقتى تۇرىپ جاتقان شەتەلدىكتەردى كۇتىپ-باعۋ قاجەتتىلىگى تۋىنداعان كەزدە قازاقستان رەسپۋبليكاسىندا بولعان ادامدارعا. بىر مارتەلىك جانە كوپ مارتەلىك ۆيزا 180 تاۋلىككە دەيىنگى مەرزىمگە بەرىلەدى.