Utysy bar lotereıa bıletin tapqan er adam aqshadan bas tartty

 Sıngapýrlyq turǵyn lotereıadan utqan utystan bas tartyp otyr. О́ıtkeni ol bıletti óziniń bıletimen qosa qatelesip alyp ketken eken. Bul týraly Lenta.ru saıty jazdy.

5 qazan kúni 63 jastaǵy bıznesmen Redhıll aýdanyndaǵy Singapore Pools oıyn-saýyq ortalyǵynan lotereıa bıletin satyp alǵan. Qaıtarynda shatasyp sóreden bir bılettiń ornyna eki bılet alyp ketedi.

Biraz ýaqyt ótkennen keıin ǵana ol shatasyp taǵy bir bılet alyp ketkenin ańǵarady. Bılette satyp alynǵan ýaqyty kórsetilgen eken. Soǵan qarap, bul bılettiń ıesi ózine deıin satyp alǵanyn biledi.

Bıznesmen alyp ketken 4069 nómir senbi kúni oınatylǵan syılyqtyń birine sáıkes kelip, utysqa ıe bolady. Utys somasy 5 myń sıngapýrlyq dollar bolady (shamamen 1,5 mln teńge). Biraq ol bul utystan kók tıyn da almaıtynyn aıtady. Bıznesmen bılettiń ıesin taýyp, qaıtaryp bermekshi eken.

Bıletti qaıtarý maqsatynda 7 qazan kúni er adam Singapore Pools-tiń bas ofısine jáne polıııa bólimshesine barady.

«Men adal bolýǵa tyrysamyn, biraq adal adam bolýdyń mashaqaty kóp eken. Bılet týraly aqparatty jańalyqtarǵa berip kóremin. Ony zańdy ıesine qaıtaryp beretinine sengim keledi», — dedi ol.

BAQ.KZ.