جاڭالىقتار

قازاقستاننىڭ ەڭ ۇلكەن تۋى «مەدەۋدە» ورناتىلدى

الماتىداعى قازاقستاننىڭ ەڭ ۇلكەن مەملەكەتتىك تۋى «مەدەۋ» مۇز ايدىنىنىڭ ماڭىندا ورناتىلدى.

تۋ كوتەرۋ سالتاناتتى راسىمىنە اتاقتى سپورتشىلار مەن قالالىق جاستار ۇيىمدارىنىڭ وكىلدەرى قاتىستى.

«ەلباسى, «Nur Otan» پارتياسىنىڭ توراعاسى نۇرسۇلتان ءابىش ۇلى نازارباەۆ ءبىر سوزىندە: «ءبىز تاۋەلسىزدىككە اڭساپ, زارىعىپ جەتتىك. ەندى سول تاۋەلسىزدىكتىڭ قاسيەتتى بەلگىلەرىن دە ەرەكشە قادىرلەۋىمىز, قاستەرلەۋىمىز كەرەك. ءاربىر ازامات قازاقستاننىڭ تۋىن, ەلتاڭباسىن, ءانۇرانىن تۇمارداي قاسيەت تۇتۋى قاجەت. ەلدىگىمىزدىڭ سىنالاتىن ءبىر تۇسى – وسى», – دەگەن ەدى. تۇڭعىش پرەزيدەنتىمىزدىڭ وسى ناقىل ءسوزىن ەلىمىزدىڭ ءاربىر ازاماتى جۇرەك تۇكپىرىندە ساقتاپ, اركەز جادىندا ۇستاپ, ورىنداۋى قاجەت. وسىعان وراي بۇگىن پارتيانىڭ مۇرىندىق بولۋىمەن تاۋەلسىزدىگىمىزدىڭ التىن بەسىگى سانالاتىن الماتى شاھارىندا, تالاي الەمدىك رەكوردتاردىڭ كۋاسى بولعان «مەدەۋ» مۇز ايدىنىندا مەملەكەتتىك تۋىمىز بيىك تە بەرىك تۇعىرعا ورناتىلدى. بۇل يگى شارانىڭ سيمۆولدىق ءمانى, اتقارار ماڭىزى زور. «Nur Otan» پارتياسىنىڭ دوكتريناسىندا دا حالقىمىزدىڭ قاسيەتتى قۇندىلىعى – تاۋەلسىزدىككە ەرەكشە باسىمدىق بەرىلگەن. ەلدىگىمىزدىڭ ايشىقتى بەلگىسى بولعان كوك تۋىمىز ءاربىر ءۇيدىڭ, ءاربىر ۇيىمنىڭ تورىندە تۇرسا دا ارتىق بولمايدى. سوندىقتان ۇلتتىعىمىزدى ۇلىقتايتىن وسىنداي وڭ باستاماعا بۇكىل قوعام بولىپ جۇمىلىپ, بارشاڭىزدى بەلسەندى قاتىسۋعا شاقىرامىن», – دەدى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك. 

«ەلتاڭبامىز ەلدىك بەن ەركىندىكتەن باستاۋ العان رۋحىمىزدى اسپانداتىپ, ايبىنىمىزدى اسىرا ءتۇسسىن. اۋەزدى ءانۇرانىمىز ماڭگى شىرقالىپ, ارمان-اڭسارىمىزدى كوككە سامعاتا بەرسىن. بايتاق وتانىمىز, قاسيەتتى قازاق ەلى كۇن سونگەنشە سونبەسىن. ارقاشان كوك تۋىمىز كوگىمىزدە جەلبىرەي بەرسىن!», — دەپ ءسوزىن تۇيىندەدى باۋىرجان بايبەك.

اتاپ وتسەك, تۋتۇعىر بيىكتىگى 40 مەتردى, ال تۋ كولەمى 7 دە 14 مەتردى قۇرايدى.

BAQ.KZ.

وسى ايداردا

دوباۆيت كوممەنتاري

Close