الەم جاڭالىقتارى

توكيو وليمپياداسى: ۇلتتىق قۇرامانىڭ كيىم ۇلگىسىنە اشىق كونكۋرس جاريالاندى

2020 جىلى توكيودا وتەتىن جازعى وليمپيادا ويىندارىنا قاتىساتىن ۇلتتىق قۇراما سپورتشىلارىنىڭ كيىم ۇلگىسىنە اشىق كونكۋرس جاريالاندى, دەپ حابارلايدى قر ۇلتتىق وليمپيادالىق كوميتەتىنىڭ ءباسپاسوز قىزمەتى.

«ءبىز وليمپياداشىلاردى ادەمى فورمامەن قامتاماسىز ەتىپ قانا قويماي, تالانتتى شەبەرلەردى, سۋرەتشىلەر مەن ديزاينەرلەردى قولداپ, زاماناۋي سپورتتىق كيىمدەر شىعارۋدا جاڭا تەندەنتسيالاردى قولدانۋىنا مۇمكىندىك بەرىپ, ەلىمىزدەگى وليمپيادالىق قوزعالىسقا نازار اۋدارتقىمىز كەلەدى», — دەلىنگەن ۇوك حابارلاماسىندا.

كونكۋرسقا وتىنىمدەر 2019 جىلدىڭ 14 قازانىنان 14 قاراشاسىنا دەيىن قابىلدانادى. كەلىپ تۇسكەن بارلىق جۇمىستار قازاقستان ۇوك رەسمي سايتى مەن الەۋمەتتى جەلىدەگى پاراقشالارىندا جاريالانادى. جەڭىمپازدى جانكۇيەرلەر پىكىرىن ەسكەرە وتىرىپ, ارنايى كوميسسيا قۇرامى انىقتايدى.

وعان قازاقستان ۇوك مەن قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ وكىلدەرى, سپورت قايراتكەرلەرى مەن ەل نامىسىن قورعاپ جۇرگەن سپورتشىلار كىرەدى. قازاقستان ۇلتتىق قۇراماسىنىڭ پارادتىق جانە سپورتتىق كيىم ۇلگىسى بويىنشا ەڭ جاقسى ديزاين يدەياسىنىڭ اۆتورلارى اقشالاي سىيلىقتارعا يە بولادى.

جەڭىمپازدى جانكۇيەرلەر پىكىرىن ەسكەرە وتىرىپ, ارنايى كوميسسيا قۇرامى انىقتايدى. وعان قازاقستان ۇوك مەن قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ وكىلدەرى, سپورت قايراتكەرلەرى مەن ەل نامىسىن قورعاپ جۇرگەن سپورتشىلار كىرەدى. قازاقستان ۇلتتىق قۇراماسىنىڭ پارادتىق جانە سپورتتىق كيىم ۇلگىسى بويىنشا ەڭ جاقسى ديزاين يدەياسىنىڭ اۆتورلارى اقشالاي سىيلىقتارعا يە بولادى.

كونكۋرس ناتيجەسى 2019 جىلدىڭ 23 قاراشاسىندا Olympic.kz سايتىنا شىعادى.

كونكۋرس ەرەجەسىمەن مىنا سىلتەمە ارقىلى تانىسۋعا بولادى.

ەسكە سالا كەتەيىك, 2020 جىلدىڭ 24 شىلدە مەن 9 تامىز كۇندەرى جاپونيا استاناسى توكيو قالاسىندا XXXII جازعى وليمپيادا ويىندارى وتەدى.

قازاقپارات

وسى ايداردا

دوباۆيت كوممەنتاري

Close