Jańalyqtar
Eljan Birtanov qazaqstandyqtarǵa temekini qoıǵyzýdyń jańa amalyn usyndy
Densaýlyq saqtaý mınıstri Eljan Birtanov zańnamalyq turǵyda elektrondy sıgaretterdi temekilerge teńestirýdi kózdep otyr.
«Bul máseleni quqyqtyq baza aıasynda sheshý úshin zańnamaǵa birqatar ózgeris engizýdi josparlap otyrmyz. Iaǵnı, elektrondy sıgaretterdi, veıpıngterdi dástúrli temekilerge teńestirý kerek. Bizde dástúrli temekige degen talap qatal. Meıramhanada, qoǵamdyq oryndarda temeki shegýge bolmaıdy. Alaıda bul jerde másele zańnamalyq túrde rettelmegen jańa ónimderde bolyp tur. Kúni erteń men Parlamentte zańnamaǵa engiziletin jańa ózgeristerdi tanystyramyn. Ol boıynsha joǵaryda atalǵan ónimder qatań retteletin bolady», — dedi Eljan Birtanov elordada ótip jatqan Onkologııadaǵy Dúnıejúzilik kóshbasshylar sammıtinde tilshilerdiń suraǵyna jaýap bere otyryp.
Eske sala ketsek, elordada keshe Onkologııadaǵy Dúnıejúzilik kóshbasshylar sammıti bastalǵan edi.
Forým jumysyna Halyqaralyq obyrǵa qarsy odaq (UICC) prezıdenti, joǵary mártebeli hanshaıym Dına Maıred, Qazaqstan Densaýlyq saqtaý mınıstri Eljan Birtanov qatysýda.
Elbasy Nursultan Nazarbaev búgin sammıtke qatysýshylarǵa quttyqtaý hat joldady.
