Jańalyqtar

«Nurly jol» baǵdarlamasy: 2020-2025 jyldarǵa jańa maqsat qoıyldy

QR Premer-Mınıstri Asqar Mamınniń tóraǵalyǵymen ótken QR Úkimetiniń selektorlyq otyrysynda 2015-2019 jyldarǵa arnalǵan «Nurly jol» ınfraqurylymdyq damý memlekettik baǵdarlamasyn iske asyrý barysy jáne 2020-2025 jyldarǵa arnalǵan jobasy qaraldy.

Bul týraly QR Úkimetiniń baspasóz qyzmeti habarlaıdy. QR ındýstrııa jáne ınfraqurylymdyq damý mınıstri B. Atamqulov baıandama jasady, ol 2015-2019 jyldarǵa arnalǵan «Nurly jol» memlekettik baǵdarlamasy aıasynda sońǵy 5 jylda kólik salasyn damytýǵa shamamen 5,8 trln teńge baǵyttalǵanyn aıtty.
Sonyń nátıjesinde 400 myńnan astam jumys orny quryldy, JIО́-degi kólik úlesi 8,3%-ǵa deıin ósti, eńbek ónimdiligi – 1,7 esege, konteınerlerdiń jalpy tranzıti – jıyrma fýttyq balamada 271 myńnan 825 myń konteınerge deıin 3 ese, tranzıtten túsetin kirister – 4,3 ese, 180 mlrd teńgeden 782,4 mlrd teńgege deıin, júk tasymaldary tranzıtiniń kólemi bir jarym esege, 1,3 mln-nan 1,8 mln tonnaǵa deıin, tranzıttik avıajolaýshylar sany 4 esege, shamamen 1 mln tranzıttik jolaýshyǵa deıin artty.
3 myń shaqyrym respýblıkalyq mańyzy bar avtomobıl joldary salynyp, rekonstrýkııalandy, 15 myń shaqyrym oblystyq jáne aýdandyq mańyzy bar avtomobıl joldary jóndeldi, 1,4 myń shaqyrym jańa temir jol paıdalanýǵa berildi, Oral, Petropavl, Almaty, Semeı, Qostanaı, Balqash áýejaılarynda 6 ushý-qoný jolaǵy jańǵyrtyldy.
Qytaımen shekaradaǵy termınaldardyń ótkizý qabileti jylyna 40 mln tonnaǵa deıin ulǵaıtyldy. Aqtaý portyn keńeıtý jáne Quryq portynyń salynýy esebinen Kaspııdegi port ınfraqurylymynyń qýattylyǵy jylyna 17,5 mln-nan 27 mln tonnaǵa deıin ulǵaıtyldy. Injenerlik jelilerdiń uzyndyǵy 3,4 myń shaqyrymdy qurady.
«Nurly jol» baǵdarlamasy júzege asyryla bastaǵannan beri ishki sý joldarymen júk tasymaldaý kólemi 86%-ǵa – 750 myń tonnadan 1,4 mln tonnaǵa deıin ósti, Ertis ózeni boıynsha ótpeli keme qatynasy qalpyna keltirildi jáne keme júzetin sý joldarynyń sapasy jaqsardy.
«Turaqty kóliktik-logıstıkalyq júıe qalyptasty. Sonyń nátıjesinde Qazaqstan Eýropa men Azııa arasyndaǵy transkontınentaldy kópirge aınaldy. Elbasynyń aımaqtyq kóliktik-logıstıkalyq hab qurý jáne elimizdiń tranzıttik áleýetin damytý jónindegi mindetteri belsendi júzege asyrylý satysynda», — dedi A. Mamın.
2025 jylǵa deıingi jańa memlekettik baǵdarlamany qarjylandyrýdyń jalpy kólemi 6,598 trln teńgeni quraıdy. Avtojol ınfraqurylymyn damytý aıasynda respýblıkalyq jeliniń 10 myń shaqyrym jolyn rekonstrýkııalaý jáne 11 myń shaqyrymyn jóndeý, 27 myń shaqyrym jergilikti jeli jolyn jóndeý josparlanǵan.
Temir jol salasynda «Dostyq – Moıynty» ýchaskesin jańǵyrtý jáne «Moıynty – Aqtoǵaı» ýchaskesin elektrlendirý kózdelgen. Shaǵyn áýe jelilerin damytý maqsatynda 16 aerodrom salý josparlanǵan. Avtomobıl kóligi salasyndaǵy ulttyq standartqa sáıkestendirý maqsatynda shamamen 133 avtostanııa/vokzal jáne jolaýshylarǵa qyzmet kórsetý pýnkterin salý jáne jańǵyrtý josparlanǵan.
Jalpy, «Nurly jol» jańa memlekettik baǵdarlamasyn iske asyrý 551 myń jumys ornyn qurýǵa múmkindik beredi, onyń 48,5 myńy – turaqty jáne 502,2 myńy – ýaqytsha, kólik salasynyń negizgi kapıtalyna salynǵan ınvestıııalar kólemin 1,1-den 3,4 trln teńgege deıin 3 ese, temir jol kóligindegi tranzıt kólemin – 18,1 mln-nan 26,9 mln tonnaǵa deıin, avtomobıl kóligimen jylyna 1,6 mln-nan 3 mln tonnaǵa deıin ulǵaıtýǵa jol ashady.
«Elbasy «Nur Otan» frakııasynyń jaqynda ótken otyrysynda atap ótkendeı, «Nurly jol» baǵdarlamasynyń jańa bes jyldyǵy elimizdiń kólik ınfraqurylymy men tranzıttik áleýetin odan ári damytýǵa baǵyttalǵan negizgi memlekettik baǵdarlamalardyń biri», — dedi A. Mamın.

Derekkóz: https://www.inform.kz/kz/nurly-zhol-bagdarlamasy-2020-2025-zhyldarga-zhana-maksat-koyyldy_a3577778

Osy aıdarda

Dobavıt kommentarıı

Close