Бүгін Астанада жаңа жылдық шыршалардың шамы жағылмақ

Фото: ашық дереккөз

18 желтоқсанда сағат 20.00-де елорданың алты ауданында бір мезгілде жаңа жылдық шыршалардың шамы жағылады. Бұл туралы қала әкімдігі хабарлады, деп жазды qandastar.kz

Алматы және Сарайшық аудандарында жеті жерде шыршалар безендірілген. Қазақ елі монументінің алаңында 25 метрлік үлкен шырша орнатылған. Тәуелсіздік даңғылындағы Оқушылар сарайының аумағында да шырша қойылады. Байқоңыр ауданында бес керемет шыршаның шамы жағылады. Нұра ауданындағы 9 жерде жаңа жылдық шыршаларды тамашалай аласыздар. Басты шырша «Астана Арена» стадионының тұрағына орнатылады. Орталық саябақта ұзындығы 290 метр болатын желілік мұз айдыны жасалған, кіреберісте 22 метрлік шырша орнатылған.

Бұл күні шыршалар шамы ойын-сауық орталықтарының жанында да жарқырайды. Сарыарқа ауданында алты жерде әдемі шырша орнатылған. Есіл ауданында төрт негізгі нүктеге мерекелік шыршалар қойылған. ЭКСПО аумағында 23 метрлік шырша пайда болады. Дәл сондай Ботаникалық бақта да бар.