نۇر-سۇلتاندا بيزنەس سالاسىنداعى گرانتتار كىمدەرگە بۇيىردى

نۇر-سۇلتان قالاسىنىڭ 63 كاسىپكەرى «بيزنەستىڭ جول كارتاسى -2020» باعدارلاماسى شەڭبەرىندە ءوز بيزنەس-يدەيالارىن جۇزەگە اسىرۋعا گرانتتار الدى. بۇل تۋرالى قازاقپارات ەلوردا اكىمدىگىنە سىلتەمە جاساپ حابارلايدى.

قالالىق ينۆەستيتسيالار جانە كاسىپكەرلىكتى دامىتۋ باسقارماسىنىڭ مالىمەتىنە سايكەس, وتكەن جىلمەن سالىستىرعاندا بيزنەس-جوبالار 2,6 ەسەگە وسكەن. 2018 جىلى گرانت 24 كاسىپكەرگە بەرىلسە, بيىل ولاردىڭ سانى 63-ءتى قۇرادى.

«گرانتتار ءوز ءىسىن جاڭادان باستاپ جاتقان 29 جاسقا دەيىنگى جاس كاسىپكەرلەرگە, 50 جاستان اسقان ايەلدەر, مۇگەدەكتەرگە بەرىلدى. مەملەكەتتىك قولداۋعا يە بولعان كاسىپكەرلەر نەگىزىنەن تاۋار ءوندىرۋ, ءبىلىم بەرى, كيىم تىگۋ, اقپاراتتىق تەحنولوگيالار, باسپا ءىسى, عىلىم, ساۋلەت جانە قىزمەت كورسەتۋ سالاسىندا جۇمىس ىستەيتىندەر», — دەدى اكىمدىكتەن.

ايتا كەتەيىك, شاعىن جانە ورتا كاسىپكەرلىكتى دامىتۋعا رەسپۋبليكالىق بيۋدجەتتەن — 128 ملن تەڭگە, سونداي-اق جاستار جىلىنا وراي «بيزنەستىڭ جول كارتاسى-2020» باعدارلاماسى بويىنشا (29 جاسقا دەيىنگى جاس كاسىپكەرلەردى قولداۋعا) قوسىمشا 75 ملن تەڭگە ءبولىندى.