جاڭالىقتار

WhatsApp ءبىرجولا قارا تىزىمگە ەنگىزۋدى قولعا الدى

WhatsApp اتاۋى كۇماندى توپتارعا كىرگەن ادامداردى بۇعاتتاۋدى باستادى. ولار ەندى مەسسەندجەردى پايدالانۋ ءۇشىن باسقا نومىرمەن قايتا تىركەلۋى كەرەك, دەپ جازادى Business today.

WhatsApp جاقىندا توپتارعا كىرۋ تالاپتارىن وزگەرتىپ, توپقا تىركەلۋ تاڭداۋىن پايدالانۋشىنىڭ وزىنە قالدىرعان ەدى. ال ەندى مەسسەندجەر كۇماندى اتاۋعا يە توپتارعا مۇشە ادامداردى ءومىر بويىنا بۇعاتتادى.

WhatsApp-تىڭ پايدالانۋشىلاردى بۇعاتتاعانى تۋرالى اقپارات الەۋمەتتىك جەلىلەردە پايدا بولا باستادى. ولاردىڭ بارلىعى ءوز اككاۋنتتارىنىڭ ەشقانداي الدىن الا اقپاراتسىز بۇعاتتالىپ, قايتا قالپىنا كەلتىرىلمەيتىندەي بولىپ قارا تىزىمگە ەنگەنىن ايتىپ جاتىر.

Reddit, Mowe11 ەسىمدى پايدالانۋشى توپ اتاۋىن قورلايتىن سوزگە اۋىستىرعاندىقتان باندالعانىن جازدى. ونىڭ ايتۋىنشا, توپ اتاۋىن وزگەرتكەننەن كەيىن توپتاعى ادامداردىڭ بارلىعى بۇعاتتالعان.

بۇدان وزگە دە پايدالانۋشىلار جۇزدەن استام ادام كىرگەن توپتاردىڭ اتاۋى ءبىر مينۋتقا اۋىستىرىلسا دا, توپ مۇشەلەرىنىڭ قارا تىزىمگە ەنگىزىلگەنىن ايتىپ جاتىر. ال WatsApp ازىرگە بۇل جاڭالىققا قاتىستى ەشقانداي مالىمدەمە جاسامادى جانە قانداي توپ مۇشەلەرىنىڭ بۇعاتتالاتىنىن تۇسىندىرمەدى.

دەرەككوز: قازاقپارات

وسى ايداردا

دوباۆيت كوممەنتاري

Close