Álem jańalyqtaryJańalyqtar
Qazaq qyzy kóne mońǵol jazýyn oqý baıqaýynda bas júldege ıe boldy
Mońǵolııa astanasy Ulanbatyr qalasynda kóne mońǵol jazýyn oqýdan «Ulttyq jazý mádenıeti» saıysynda Baıan-О́lgıı aımaǵynda turatyn qazaq oqýshy jeńimpaz atandy.
Bul týraly jergilikti MONAME agenttigi habarlady.
Ulanbatyr qalasyndaǵy ortalyq Balalar kitaphanasynda ótken saıysta Baıan-О́lgıı aımaǵyndaǵy №5 orta mektebiniń 9-synyp oqýshysy J.Saıajan bas júldeni jeńip aldy.
«Ulttyq jazý mádenıeti» saıysy osymen 13-ret uıymdastyrylyp otyr. Bul baıqaýǵa jergilikti synaltýdan aldynǵy oryn alǵan oqýshylar qatysady. О́tken aıda Baıan-О́lgıı aımaǵynan úzdik shyqqan úsh oqýshy respýblıkalyq baıqaýǵa joldama alǵan bolatyn. Alaıda Saıajannan basqa eki oqýshy Ulanbatyrda ótken saıysta oryn ıelengen joq.
Kóne mońǵol jazýyn dáripteý, onyń búgingi qoldaný aıasyn keńeıtý maqsatynda uıymdastyrylǵan saıysqa Ulanbatyr qalasynyń 9 aýdanannyń jáne 13 aımaqtyń barlyq mektebiniń 6-12-synybynyń 216 oqýshysy qatysqan. J.Saıajan osy oqýshylardyń arasynda úzdik atandy.
1991 jyldan bastap Mońǵolııanyń jalpy bilim beretin mektepterinde jeke pán retinde oqytylyp kele jatqan, barlyǵy 28 áripten turatyn kóne mońǵol jazýy joǵarydan tómen qaraı oqylady.
Tarıhı derekter boıynsha, kóne mońǵol jazýyn kezinde mońǵol áskeri tutqyndaǵan naıman memleketiniń Taıan hanynyń hatshysy Tatatýńǵa Shyńǵys hannyń buıryǵymen uıǵyr áripiniń negizinde jasap shyǵarǵan. Orta ǵasyrda dúnıege kelgen «Qupııa shejire», «Altyn shejire», «Qazynalar qory», býddızmniń qasıetti kitaptary «Ganjýr» men «Danjýr» tárizdi eńbekter kóne mońǵol tilinde osy jazýmen jazylǵan.
Derekkóz: BAQ.KZ.
