Álem jańalyqtary
Veneııany sý basty
Veneııa jaýyn saldarynan sý astynda qaldy, dep habarlaıdy «Habar 24».
Jergilikti bıliktiń málimetine saı, óńirdegi sý deńgeıi 127 santımetrge jetken. Tolassyz jańbyr kesirinen qala ortalyǵyndaǵy kóptegen nysandardy sý basypty. Olardyń arasynda tanymal Áýlıe Mark shirkeýi de bar. Jalpy, jaýyn azabyn Veneııadaǵy jaıaý júrginshiler de tartyp jatyr. Tizeden asatyn sýǵa shylqymas úshin olar rezeńke etik kııýge májbúr.
Jalpy mamandardyń aıtýynsha, Veneııada sý tasqyny sırek kezdesetin qubylys emes. Oǵan kóbine tolassyz jańbyr men teńiz sýynyń kóterilýi sebep bolady eken.
