2020 jyldan bastap júrgizýshi kýáligi ózgeredi

Ishki ister mınıstrligi júrgizýshi kýáliginiń jáne kólik quralyn tirkeý týraly kýáliktiń jańa úlgisin engizýde. Bul týraly Elorda Info  QR IIM baspasóz qyzmetine silteme jasap habarlady.

«Tıisti buıryqqa Ishki ister mınıstri 2019 jylǵy 2 qarashada qol qoıyp, ol 2019 jylǵy 4 qarashada Ádilet mınıstrliginde tirkeldi. Kórsetilgen qujattardaǵy elektrondyq chıp kelesi betine kóshirilip, chıp jadynyń kólemi ulǵaıtylady», — dedi vedomstvonyń baspasóz qyzmeti.

Atalǵan sharalar júrgizýshi kýáligin jáne kólik quralyn tirkeý týraly kýálikti jeke basyn kýálandyratyn qujattarmen sáıkestendirý úshin qajet jáne qujattardy daıyndaýdyń biryńǵaı óndiristik standartyna kóshýge múmkindik beredi.

Sonymen qatar atalǵan qujattardy qoldan jasaýdy boldyrmaý maqsatynda shtrıh-kod túrinde qosymsha qorǵaý engiziledi, sondaı-aq kólik quralyn tirkeý týraly kýáliktiń túsi ózgeredi.

Bul rette buryn berilgen júrgizýshi kýálikteri men kólik quralyn tirkeý týraly kýálikterdi aýystyrýdyń qajeti joq ekenin atap ótken jón. Olar qyzmet merziminiń ýaqytynda jaramdy bola beredi.

Atalǵan qujattardy berý úshin memlekettik baj mólsheri ózgermeıdi jáne ol burynǵysha 1,25 AEK-ti quraıdy.

Osy kategorııa boıynsha: « Qostanaı oblysynda merdigerdiń sapasyz jumysy kólik júrgizýshilerin áýre-sarsańǵa saldy Jambyl oblysynda 86 eldi mekendi kógildir otynmen qamtý jumystary júrip jatyr »

Derekkóz: Habar 24