Qazaqstanda 38 gradýs aıazǵa tózimdi dızel óndirý qolǵa alyndy

Bul otyn túri búgingideı aıazda otandyq tutynýshylar arasynda úlken suranysqa ıe bolatyny belgili, dep habarlaıdy «Habar 24».

Sýyqqa sózimdi suıyq otyn janarmaı beketterine qashan jetkiziledi?

Aıazǵa tózimdi dızeldiń alǵashqy partııasy Atyraý munaı óńdeý zaýytynan 14 qarashada jóneltildi. Budan bólek, «Kúrti-Qapshaǵaı» jolyn qaıta jańǵyrtý jobasyna qansha qarjy jumsalady. Almatydaǵy aqyly avtoturaq qala qazynasyna qansha paıda ákeldi.

Atyraý munaı óńdeý zaýyty 38 gradýs aıazǵa tózimdi dızel shyǵara bastady. Ol K5 ekologııalyq sanatqa sáıkes keledi. Iaǵnı, quramynda kúkirt pen parafınderi az jáne tómen temperatýranyń erekshelikterine áser etetin qospalary joq. Bul tehnologııalyq proestiń taza ónimi.

Zaýyt basshylyǵy osy aıdyń sońyna deıin barlyǵy 3,5 myń tonna suıyq otyn jóneltýdi josparlap otyr. Khazar-38 dızel otyny zaýyt úshin de, búkil Qazaqstan úshin de biregeı ónim.

Aıta keteıik byltyr munaı óńdeý zaýyty munaı ónimderiniń birneshe túrin shyǵara bastady. Ol kezde dızeldiń sýyqqa tózimdiliginiń shekti temperatýrasy 32 gradýs bolatyn. Alaıda, bıyl keshende jańa qondyrǵylaryn iske qosýdyń arqasynda 38 gradýsta qatpaıtyn dızel shyǵarý múmkindigine ıe boldy.