«Aıka» fılmi Qytaıda qos júldege ıe boldy

Qytaıdyń Fýzıan provınııasynyń Sıamyn qalasynda ótip jatqan «Golden rooster and hundred flowers» 28-festıvalinde «Aıka» fılmi eki júldege ıe boldy, dep habarlaıdy QazAqparat.

Sondaı-aq, kınofestıval sheńberinde Jańabek Jetirýovtyń «Shyńyraý» fılminiń kórsetilimi ótti. Bul týraly prodıýser Zarına Kısıkova Facebook-tegi paraqshasynda jazdy.

«Keshe «Golden rooster and hundred flowers» kınfestıvalinde Jańabek Jetirýovtyń «Shyńyraý» fılmi kórsetilip, ony tamashalaǵan kórermendermen kezdesý ótkizildi. Fılm kórermen men dıstrıbıýtorlardyń qyzyǵýshylyǵyn týdyrdy. Kınotýyndy Qytaı bıliginiń ruqsatyn alyp sol eldegi prokatqa shyǵady dep úmittenemiz. Alda kóptegen aıdyń jumysy tur. Sonymen qatar, «Aıka» fılmi kınofestıvalde Best leading actress by Audience Award jáne Best foreign director by Audience Award júldesin ıelendi, Sergeı Dvorevoıdy (reseılik rejısser-avt) quttyqtaımyn», — dep atap ótti Zarına Kısıkova.

«Golden rooster and hundred flowers» festıvali- Qytaıdaǵy iri kınojúlde. Baıqaýdyń «Altyn átesh» músinshesin kásibı qazylar tapsyrady, al «Júz gúl» júldesiniń ıegeri kórermenderdiń daýys berýimen anyqtalady.

Aıta ketsek, «Aıka» fılm Qazaqstan Respýblıkasy atynan Amerıkanyń kınoakademııasynyń «Oskar» syılyǵyna usynylǵan bolatyn.

Fılmde basty róldi Halyqaralyq Kann-2018 kınofestıvalinde «Úzdik áıel róli úshin» júldesine ıe bolǵan qazaqstandyq aktrısa Samal Eslıamova somdaıdy.

Fılmde Qyrǵyzstannan Máskeýge kelip, onda zańsyz jumys istep júrgen jas emıgrant áıeldiń oqıǵasy, onyń ishki adamı ósýi, analyq sezimi baıandalady.