قىتايداعى قازاق بوكسشىسى «كانەلو» پروموۋتەرلەرىنىڭ بوكس كەشىندە جەڭىسكە جەتتى

قىتايدىڭ نامىسىن قورعاعان ەتنيكالىق قازاق بەيسەنبى ءناسيوللا ۇلى مەكسيكالىق ساۋل كوررالدى جەڭدى, دەپ حابارلايدى Sports.kz سايتىنا سىلتەمە جاساپ, قازاقپارات.

جەكپە-جەك Fantasy Springs ارەناسىندا (اقش, كاليفورنيا) ءبىرىنشى جارتىلاي ورتا سالماقتاعىلار اراسىنداعى باسەكەدە ءوتتى.

ءناسيوللا ۇلى تورەشىلەردىڭ شەشىمىمەن جەڭىسكە جەتتى. بۇل ءناسيوللا ۇلىنىڭ اقش-تاعى ەكىنشى ايقاسى. ول ءبىرىنشى جەكپە-جەكتە تورەشىلەردىڭ شەشىمىمەن گانالىق بوكسشى فرەدريك لاۋسوننان جەڭىلىپ قالعان ەدى. ەتنيكالىق قازاق كاسىبي بوكسقا 2015 جىلى كەلدى.

ايتا كەتەيىك, بوكس كەشىن مەكسيكالىق بوكسشى ساۋل «كانەلو» الۆارەستىڭ ىسىمەن اينالىساتىن Golden Boy پروموۋتەرلىك كومپانياسى ۇيىمداستىردى.