Qytaıdaǵy qazaq boksshysy «Kanelo» promoýterleriniń boks keshinde jeńiske jetti

Qytaıdyń namysyn qorǵaǵan etnıkalyq qazaq Beısenbi Násıollauly meksıkalyq Saýl Korraldy jeńdi, dep habarlaıdy Sports.kz saıtyna silteme jasap, QazAqparat.

Jekpe-jek Fantasy Springs arenasynda (AQSh, Kalıfornııa) birinshi jartylaı orta salmaqtaǵylar arasyndaǵy básekede ótti.

Násıollauly tóreshilerdiń sheshimimen jeńiske jetti. Bul Násıollaulynyń AQSh-taǵy ekinshi aıqasy. Ol birinshi jekpe-jekte tóreshilerdiń sheshimimen ganalyq boksshy Fredrık Laýsonnan jeńilip qalǵan edi. Etnıkalyq qazaq kásibı boksqa 2015 jyly keldi.

Aıta keteıik, boks keshin meksıkalyq boksshy Saýl «Kanelo» Alvarestiń isimen aınalysatyn Golden Boy promoýterlik kompanııasy uıymdastyrdy.