الەم جاڭالىقتارى

ترامپ تگيل سەركەسىن ۇستاۋعا اتسالىسقان ءيتتى ماراپاتتادى

اقش پرەزيدەنتى دونالد ترامپ اق ۇيدەگى سالتاناتتى قابىلداۋ ءىس-شاراسى بارىسىندا قىزمەتتىك ءيتتىڭ ەرلىگىن ەلەپ, وعان مەدال مەن گراموتا تابىس ەتتى.

ايتا كەتەيىك, قارعىباۋلى جانۋار «يراك جانە لەۆانت» لاڭكەستىك ۇيىمىنىڭ باسشىسىن قولعا ءتۇسىرۋ كەزىندە جاساققا كومەكتەستى.

«كونان – قازىرگى ۋاقىتتا الەمدەگى ەڭ تانىمال يت, ويتكەنى ونىڭ وقيعاسى تەڭدەسىز», – دەپ اتاپ ءوتتى ترامپ جۋرناليستەرگە بەرگەن سۇحباتىندا.

ونىڭ ايتۋىنشا, ارنايى وپەراتسيا جۇرگىزىلگەن ۋاقىتتا ابۋ باكرا ءال-باعدادي ءۇيىنىڭ استىنداعى تۋننەلگە جاسىرىنباق بولعان. تەرروريست جانكەشتى بەلبەۋىن قولدانۋى مۇمكىن ەكەنىن ويلاعان اسكەريلەر ارتىنان ءيتتى جىبەردى. الايدا قىلمىسكەر جارىلعىش زاتتى ىسكە قوسىپ, جەراستى ۇڭگىرى كوناندى باسىپ قالعان.

ەسكە سالا كەتەيىك, وتكەن ايدىڭ سوڭىندا اتىشۋلى لاڭكەستىك ۇيىمنىڭ سەركەسى اقش-تىڭ ارنايى وپەراتسياسى كەزىندە ولتىرىلگەن بولاتىن. كوپ كەشىكپەي بۇل اقپاراتتى دونالد ترامپ راستادى.

سودىرلار بولسا جەتەكشىلەرىنىڭ قازا تاپقانىن مويىنداپ, ونىڭ ءولىمى ءۇشىن اقش-تان كەك الاتىندارىن مالىمدەدى. ءىزىن الا تۇركيا بيلىگى  تەرروريستىك ۇيىمعا مۇشە دەگەن كۇدىكپەن ءال-باعداديدىڭ اپكەسىن ۇستادى.

دەرەككوز: https://24.kz/

وسى ايداردا

دوباۆيت كوممەنتاري

Close