Tramp TGIL serkesin ustaýǵa atsalysqan ıtti marapattady

AQSh prezıdenti Donald Tramp Aq úıdegi saltanatty qabyldaý is-sharasy barysynda qyzmettik ıttiń erligin elep, oǵan medal men gramota tabys etti.

Aıta keteıik, qarǵybaýly janýar «Irak jáne Levant» lańkestik uıymynyń basshysyn qolǵa túsirý kezinde jasaqqa kómektesti.

«Konan – qazirgi ýaqytta álemdegi eń tanymal ıt, óıtkeni onyń oqıǵasy teńdesiz», – dep atap ótti Tramp jýrnalısterge bergen suhbatynda.

Onyń aıtýynsha, arnaıy operaııa júrgizilgen ýaqytta Abý Bakra ál-Baǵdadı úıiniń astyndaǵy týnnelge jasyrynbaq bolǵan. Terrorıst jankeshti belbeýin qoldanýy múmkin ekenin oılaǵan áskerıler artynan ıtti jiberdi. Alaıda qylmysker jarylǵysh zatty iske qosyp, jerasty úńgiri Konandy basyp qalǵan.

Eske sala keteıik, ótken aıdyń sońynda atyshýly lańkestik uıymnyń serkesi AQSh-tyń arnaıy operaııasy kezinde óltirilgen bolatyn. Kóp keshikpeı bul aqparatty Donald Tramp rastady.

Sodyrlar bolsa jetekshileriniń qaza tapqanyn moıyndap, onyń ólimi úshin AQSh-tan kek alatyndaryn málimdedi. Izin ala Túrkııa bıligi  terrorıstik uıymǵa múshe degen kúdikpen ál-Baǵdadıdiń ápkesin ustady.

Derekkóz: https://24.kz/