Jańalyqtar
Jol erejelerin saqtańyzdar – IIM
Jedel málimetter boıynsha ótken aptada 210 jol-kólik oqıǵasy tirkeldi. Jol-kólik oqıǵalarynyń saldarynan 39 adam qaza taýyp, 289 adam jaraqat aldy, dep habarlady IIM baspasóz qyzmeti.
Apattardyń negizgi sebebi jol qozǵalysyna qatysýshylardyń jol tártibin saqtamaýy bolyp tabylady. Kóbinese jyldamdyqtyń artýy, tyıym salatyn jáne eskertetin belgilerge nazar aýdarmaý jáne olardy elemeý qaıǵyly oqıǵalarǵa ákep soǵýda.
Aýa-raıynyń nasharlaýyna baılanysty IIM jol qozǵalysyna qatysýshylarǵa qarapaıym, biraq óte mańyzdy erejeler týraly eskertedi, olardy saqtaý kútpegen jerden oryn alatyn jol-kólik oqıǵalarynyń aldyn alýǵa múmkindik beredi.
Qystyń bastalýyna baılanysty, qysqy nemese tikenekti shınalar ornatý, avtomobıldi jylytý jáne áınekterge jylý úrleý júıesin tekserý, sýytý júıesindegi suıyqtyqtyń mınýs temperatýrasy kezinde paıdalanýǵa jaramdylyǵy men jaı-kúıin tekserý, otyn apparatýrasynyń synýyn boldyrmaý úshin dızel qozǵaltqyshtary bar kólik quraldary úshin qysqy dızel otynyn paıdalaný kerek, — delingen aqparatta.
Qysqy jolda avtomobıldiń tejegish joly aıtarlyqtaı ulǵaıatynyn este saqtaý qajet, sondyqtan kenetten qaýip týyndaǵan jaǵdaıda júrgizýshiniń jyldamdyqty ýaqtyly tómendetýge, kólik quralyn tolyq toqtatýǵa múmkindigi bolýy tıis.
Qaýipti manevrler jasaýǵa jáne shuǵyl tejeýge bolmaıdy — kóktaıǵaq jaǵdaıynda bul avtomobıldi basqarý múmkindigin joǵaltýǵa jáne jol-kólik oqıǵalaryn jasaýǵa ákep soǵýy múmkin. Jaıaý júrginshiler de óte muqııat bolýy kerek. Joldy tek belgilengen oryndarda ótý qajet. Sonymen qatar kólik júrgizýshileriniń olardy baıqaǵanyna jáne jyldamdyqty tómendetip, jaıaý júrginshiler ótpesine deıin toqtaýǵa múmkindigi bar ekendigine kóz jetkizý mańyzdy, — dep eskertedi IIM.
Polıııa avtokólik joǵary qaýiptilik kózi, sondyqtan jol qozǵalysyna qatysýshylardyń qaýipsizdigi belgilengen erejelerdiń saqtalýyna baılanysty ekenin aıtty.
