الماتىدا تاۋەلسىزدىك كۇنىنە ارنالعان كاسىپقوي بوكس كەشى وتەدى

الاتاۋ باۋرايىنداعى بوكس كەشىنە قازاقستان, وڭتۇستىك افريكا رەسپۋبليكاسى, نيگەريا, فيليپپين, تايلاند, گرۋزيا, وزبەكستان, ءازىربايجان جانە رەسەي فەدەراتسياسىنىڭ بوكسشىلارى قاتىسادى.

اۋقىمدى سپورتتى ءىس-شارا الماتىداعى بالۋان شولاق اتىنداعى سپورت سارايىندا وتەدى. بوكس كەشىنىڭ بيلەتتەرى ساتىلىمعا ءتۇستى.

ەسكە سالايىق, 16 جەلتوقساندا قازاقستان نامىسىن MTK Global بوكسشىلارى قورعايدى. ولاردىڭ اراسىندا سۇلتان زاۋربەك, ۆيكتور كوتوگيگوۆ, يسكاندەر حارسون, ەلشات نيگمەتوللا, رەي سەيتجانوۆ, اباي تولەش, نۇردوس ءتولباي, ءميراسالى سارسەنوۆ, نۇرتاس اجبەنوۆ بار. سونداي-اق قازاقستاننىڭ تاۋەلسىزدىگى كۇنىنە ارنالعان بوكس كەشىنە وزبەكستان وليمپيادا چەمپيونى فازليددين گايبنازاروۆ تا قاتىسادى.

تاعى ءبىر جاڭالىق بۇل بوكس تويىن ESPN ارناسى تىكەلەي ەفيردە كورسەتەدى. ال ۇيىمداستىرۋشى — MTK Global كومپانياسى.

وسى بوكس كەشى اياسىندۆ بىرنەشە ءىس-شارا جوسپارلانىپ وتىر. 14 جەلتوقساندا اشىق جاتتىعۋ, ءباسپاسوز ءماجىلىسى, سالماق ولشەۋ جانە بوكسشىلاردىڭ كوزتۇيىستىرۋى وتەدى.

ايتا كەتەيىك, كاسىپقوي بوكس كەشى 16 جەلتوقساندا بالۋان شولاق اتىنداعى سپورت سارايىندا ساعات 19:00-دە باستالادى.