Kópbalaly otbasylardyń nazaryna: baspanaǵa qujat qabyldaý bastaldy

Nur-Sultan qalasynyń turǵyn úı qory «kópbalaly otbasy» sanaty boıynsha baspana kezeginde turǵan azamattardan satyp alý quqyǵynsyz jalǵa beriletin páterge qujat qabyldaı bastady, dep habarlaıdy zhilfond.kz.

Bul baǵdarlamaǵa «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen nagradtalǵan kópbalaly analar, kópbalaly otbasylar sanaty boıynsha turǵyn úı kezeginde turǵan kópbalaly otbasylar qatysa alady.

Barlyǵy 251 páter, onyń 184-i úsh bólmeli (65-85 sharshy metr), 67-si eki bólmeli (60-70 sharshy metr).

Nur-Sultan ákimdiginiń «Turǵyn úı qory» KMM  qujattardy 1 jeltoqsan men 6 jeltoqsan aralyǵynda Qoshqarbaev dańǵylyndaǵy 39 úıde qabyldaıdy.

Taǵy oqyńyz: Mınıstr tabysy 92 myń teńgeden aspaıtyndar úshin jaǵymdy jańalyq bolatynyn aıtty

Qujattardy 1-2 jeltoqsanda saǵat 10.00-dan 16.00-ge deıin, 3-6 jeltoqsanda  saǵat 8.30-dan 17.00-ge deıin ótkizýge bolady. Úzilis saǵat 13.00-den 14.30-ǵa deıin.

Qujattardyń tolyq tizimimen myna silteme arqyly tanysa alasyzdar.