Aýyl sharýashylyǵy mınıstrligi stýdentterge bilim granttaryn bóletin bolady

QR Bilim jáne ǵylym mınıstrliginiń aýyl sharýashylyǵy mamandyqtary boıynsha bilim berý granttarynyń kólemin anyqtaý jónindegi fýnkııalary Aýyl sharýashylyǵy mınıstrligine beriledi.

Bul ózgerister 2019 jylǵy 28 qazanda memleket basshysy qol qoıǵan «Qazaqstan Respýblıkasynyń keıbir zańnamalyq aktilerine agroónerkásiptik keshendi memlekettik retteý máseleleri boıynsha ózgerister men tolyqtyrý engizý týraly» zańyna sáıkes júzege asyrylady.

Qabyldanǵan zań aıasynda QR Bilim jáne ǵylym mınıstrliginiń joǵary jáne orta arnaýly oqý oryndaryndaǵy aýyl sharýashylyǵy mamandyqtary boıynsha mamandar daıarlaýǵa arnalǵan memlekettik bilim berý tapsyrystarynyń kólemin anyqtaý, olardy bólý men ornalastyrý baǵytyndaǵy quziretteri QR Aýyl sharýashylyǵy mınıstrligine beriledi, — delingen habarlamada.

Qabyldanǵan bul ózgerister saladaǵy mamandardy daıyndaýda memlekettik tapsyrysty naqty qalyptastyrýǵa, qarjylandyrý kólemin durys anyqtaýǵa, sapaly kadrlardy daıarlaıtyn joǵary oqý oryndaryn ádiletti túrde irikteýdi júrgizýge jáne mamandyqtar boıynsha granttardy durys bólýge múmkindik beredi dep kútilýde.

Aýyl sharýashylyǵy mınıstriliginiń habarlaýynsha, joǵaryda atalǵan zańnyń bilim berý granttaryna qatysty ózgerister men túzetýler engizilgen normalary 2020 jylǵy 6 qańtardan bastap óz kúshine enedi.

Esterińizge sala ketsek, «Qazaqstan Respýblıkasynyń keıbir zańnamalyq aktilerine agroónerkásiptik keshendi memlekettik retteý máseleleri boıynsha ózgerister men tolyqtyrý engizý týraly» zańy elimizdegi agroónerkásiptik keshen salasyndaǵy zańnamany jetildirý maqsatynda qabyldanǵan. Onda Qazaqstan Respýblıkasynyń 13 kodeksi men 29 zańyna 800-den asa túzetýler engizý qarastyrylǵan.

Derekkóz: BAQ.KZ.