جاڭالىقتار
قىتايداعى قازاقتاردىڭ ماسەلەسى: توقاەۆ ءوز ويىن ايتتى
مەملەكەت باسشىسى ەتنيكالىق قازاقتاردى لاگەرلەرگە قاماۋ جونىندەگى اقپارات قىتاي مەن اقش اراسىنداعى ساۋدا سوعىسىنىڭ سالدارى ەكەنىن ايتتى
قىتايداعى ەتنيكالىق قازاقتارعا قاتىستى جاعداي ادەيى ۋشىقتىرىلىپ وتىر, دەدى قازاقستان پرەزيدەنتى قاسىم-جومارت توقاەۆ.
«كوپتەگەن بۇقارالىق اقپارات قۇرالى شىڭجاڭدا ساياسي تاربيەلەۋ لاگەرلەرى بار ەكەنىن جازدى. ول جەردە يسلام ءدىنىن ۇستاناتىن ۇيعۇرلار مەن قازاقتار تۇرادى. وسىعان قاتىستى قىتايلىق تاراپپەن كەلىسسوز جۇرگىزىلىپ جاتىر ما? «, — دەپ سۇرادى جاننا نەمتسوۆا مەملەكەت باسشىسىنان.
ۆيدەو سۇحباتقا سىلتەمە: https://www.youtube.com
قاسىم-جومارت توقاەۆ مۇنداي حابار تەكسەرىستى قاجەت ەتەتىنىن اتاپ ءوتتى.
«بىرىنشىدەن, شىڭجاڭدا قىتاي حالىق رەسپۋبليكاسىنىڭ ازاماتتارى تۇرادى. قۇقىق قورعاۋ ۇيىمدارى ەتنيكالىق قازاقتاردىڭ لاگەرلەرگە قامالۋىنا قاتىستى اقپاراتتى تاراتتى. بۇل مالىمەت تەكسەرىستى قاجەت ەتەدى. ەتنيكالىق قازاقتار توڭىرەگىندەگى جاعداي ادەيى ۋشىقتىرىلىپ وتىر», — دەدى توقاەۆ Deutsche Welle-گە بەرگەن سۇحباتىندا.
ول بۇل «گەوساياساتتىڭ» بولىگى بولۋى مۇمكىن دەگەن بولجامىمەن ءبولىستى. ويتكەنى قىتاي مەن اقش اراسىندا ساۋدا سوعىسى تۋىندادى.
«كەلىسسوزدەر قالاي اياقتالادى, قىتايعا قارسى سانكتسيا الىپ تاستالادى ما? مۇنى ۋاقىت كورسەتەدى. بىراق قازاقستان جاھاندىق قىتايعا قارسى ايماققا اينالماۋى ءتيىس», — دەدى ول.
ء«سىز لاگەرلەر تۋرالى اقپاراتقا سەنەسىز بە?» – دەپ سۇرادى نەمتسوۆا.
«مەن بۇل ماتەريالدار شىندىققا جاناسپايدى دەپ ويلايمىن. مۇمكىن بىرەن-ساران قازاق وسى لاگەرگە تۇسكەن بولار. الايدا حالىقارالىق ينستيتۋتتار مەن ۇيىمدار كورسەتىپ وتىرعانداي جاعداي جوق. بۇل, ارينە, شىندىققا جاناسپايدى», — دەدى توقاەۆ.
ول حالىقارالىق كەلىسىمگە سايكەس, قازاقستان مەن قىتاي ءبىر-ءبىرىنىڭ ىشكى ىسىنە ارالاسپايتىنىن جەتكىزدى.
ءارى قاراي وقۋ: https://sputniknews.kz
