Bıyl 13 myń qandasymyz tarıhı Otanyna oraldy — Birjan Nurymbetov

Bıyl 13 myń qandasymyz tarıhı Otanyna oraldy. Bul týraly búgin QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Kóshi-qon proesteriniń tek áleýmettik-ekonomıkalyq jaǵdaıǵa ǵana emes, sonymen birge eldiń qaýipsizdigine tikeleı áserin jáne kópqyrlyǵyn eskere otyryp, zańsyz mıgraııany baqylap, arnalaryna tosqaýyl qoıýdy, olardy anyqtap, jolyn kesýdi qamtamasyz etý qajet. Búgingi kúni oryn alyp otyrǵan kóshi-qon aǵynyna qatysty aıtar bolsaq, Ishki ister mınıstrligindegi áriptesterimizdiń derekterine sáıkes, osy jyldyń 10 aıynda ǵana elimizge 5,6 mln adam kirip, álemniń 200-ge jýyq elinen kelgen 5,3 mln sheteldik shyqty», — dedi mınıstr «Qazaqstandaǵy kóshi-qon: Problemlaar, tendenııalar, perspektıvalar» atty respýblıkalyq dóńgelek ústel otyrysynda.

Onyń atap ótýinshe, qazirgi ýaqytta respýblıkada shetelden jumys kúshin tartý saıasaty júzege asyrylyp jatyr. Elimizdegi 2 200-den astam kásiporynda 21 myńnan astam sheteldik azamat resmı ruqsat alyp, jumys isteýde. Sonymen qatar, jeke tulǵalardyń da sheteldik jumys kúshin tartýǵa múmkindigi bar. Jyl basynan beri 362 myń sheteldik azamatqa eńbek patenti berildi. «Qazaqstan etnıkalyq qazaqtardyń tarıhı Otanyna oralýyna jaǵdaı jasaý saıasatyn júrgizip keledi. Táýelsizdik jyldary ishinde 1 mıllıonnan astam qandasymyz elge oraldy. Osy jyldyń ishinde ǵana 13 myń qandasymyz elimizge qonys aýdardy», — dedi Birjan Nurymbetov.