Jańalyqtar

Ulttyq ýnıversıtettegi «Túlekter kúni»

Ál-Farabı atyndaǵy  Qazaq ulttyq ýnıversıtetiniń jyl saıyn dástúrli túrde mamyr aıynyń sońynda ótetin «Túlekter kúni» saltanatty jıyny bolyp ótti. Alǵashqy túlekter kúnine arnalǵan saltanatty kezdesýdi Ál-Farabı atyndaǵy Qazaq ulttyq ýnıversıteti joǵary oqý ornyna deıingi bilim berý fakýltetiniń dekany J.E.Jappasov ýnıversıtet pen fakýltettiń barsha ustazdaryn, túlekterine jyly lebizin bildirdi. Sondaı-aq, fakýltet dekany J.E.Jappasov,  Ábý Nasyr ál Ál-Farabıdiń 1150 jyldyq mereıtoıy, Abaı Qunanbaevtyń 175 jyldyq mereıtoıy, joǵary oqý ornyna deıingi bilim berý fakýltetiniń (burynǵy shetel azamattaryna arnalǵan daıyndyq fakýltetiniń) ashylǵanyna 35 jyl tolýyna baılanysty merekemen quttyqtady.

Merekelik sharanyń maqsaty: Ýnıversıtet qabyrǵasynan bilim alyp, túlep ushqan jastarymyzdyń elimizdiń ár salasynda (áleýmettik, ǵylym, bilim, rýhanı, t.b) óz úlesterin qosyp, el damýyndaǵy ónegeli isterin izbasarlaryna úlgi etý, nasıhattaý, jol kórsetý, qamqorlyq jasaý.

Bul shara álemniń ekinshi ustazy atanǵan, Ál-Farabı babamyzdyń 1150 jáne Uly Abaı atamyzdyń 175 jyldyq mereıtoıyna arnaldy. Ataýly shara ýnıversıtet rektory Ǵ.M. Mutanovtyń jáne «Túlekter Qaýymdastyǵynyń» Prezıdenti Q.Á.Mámıdiń quttyqtaý sózderimen ashyldy.

Odan ári joǵary oqý ornyna deıingi bilim berý fakýltetiniń, joǵary oqý onyna deıingi daıyndyq kafedrasynyń meńgerýshisi M.S.Myrzabekovtyń quttyqtaý lebizderimen jalǵasty. Kafedra meńgerýshisi Myrzabekov Moldahmet Seıdahmetuly bul kezdesýdiń mańyzdylyǵyna toqtaldy.

Ýnıversıtettiń barlyq fakýltetterinde, barlyq kafedralarynda atqarylatyn bul shara – shyn máninde  mańyzdy is shara.

Mańyzdylyǵy: jyl saıyn osy oqý ornyn bitirip, qoǵamǵa bilimi men eńbegin berýge attanǵan túlekter bes, on, on bes, jıyrma,t.s.s. jyldardan keıin ózi bilim alǵan ýnıversıtetine kelip, ustazdarymen qaýyshyp, bıyl oqý bitirip jatqan jastarǵa óz jetistikterin, óz ómir jolyn úlgi ete otyryp, aq jol tileıdi,  qaıyrymdylyq kómekter jasaıdy. Búgingi kezdesýge kelgen joǵary oqý ornyna deıingi bilim berý fakýltetiniń túlekteri de elimizdiń ár salasynda óz úlesterin qosyp júrgen azamattar.

Olardyń qatarynda «Qamshy kz» aqparattyq  portalynyń dırektory Bilál Qýanysh, M.O.Áýezov atyndaǵy Ádebıet jáne óner ınstıtýtynyń ǵylymı qyzmetkeri Nurjuma Elesbaı, belgili ánshi, sazger Ushqyn Jamalbek, belgili ónertanýshy, dramatýrg Ánnes Baǵdat, aqyndar Jaqsylyq Qajymurat, Gúlden Ázilbek, Asqar Ákimbek  taǵy basqa túlekter qatysty.

Joǵary oqý ornyna deıingi bilim berý fakýltetiniń dárishanasy aýqymy keń, álemniń ár túkpirinen kelip bilim alyp jatqan jastardan turady. Sondyqtan biz óz ýnıversıtetimizdi ushyrǵan túlekterimiz arqyly tórtkúl dúnıege tanytyp, bilim men ǵylymnyń órisin keńge jaıyp jatqan fakýltettiń biri bolyp otyrmyz.

Qytaı, Monǵolııa, Aýǵanstan, О́zbekstan, Túrkmenstan, Túrkııa, Koreıa, Japon, Germanııa, Ulybrıtanııa, t.b elderden kelip bilim alyp, qazaq tili men tarıhyn, mádenıetin úırenip, rıza bolyp attanǵan qanshama sheteldik túlekterimiz de bar. Solardyń biri Aýǵanstan Islam Respýblıkasynyń mádenıet jáne aqparat bóliminiń basshysy, 2010 jylǵy túlegimiz Rahımýlla Hýgıanı qatysty.

Kezdesýde túlekterdiń quttyqtaý beıne jazbalary, joǵary oqý ornyna deıingi daıyndyq kafedrasynyń jetistikteri týraly slaıd, fotolar kórsetildi.

Ustazdar atynan professor Q.A.Aqqoshqarova túlekterge óz jyly lebizin bildirdi. Bıylǵy joǵary oqý ornyna deıingi daıyndyq kafedrasyn bitirýshi shákirtterdiń atynan Gúlden Kópshikbaı Abaıdyń «Kózimniń qarasy» ánin shyrqasa, Jandos Qumarbek kelgen qonaqtarǵa alǵys bildirdi.

Túlekter kezdesýin «Armandastar» ánimen shymyldyǵyn japty. Moderator Janna Saıynqyzy kelgen qonaqtarǵa alǵys bildirdi.

Túlekter kezdesýi – ózderi bilim alǵan ystyq uıasyna degen saǵynysh pen qurmettiń belgisi. Bilim alǵan oqý oryndaryna el azamaty bolyp oralyp, tulǵa bolyp qalyptasqanyn qoǵamda atqaryp jatqan naqty isterimen kórsetedi. Arttarynan erip kele jatqan ini-qaryndastaryna  úlken ómir jolynda durys joldy tańdaýda úlgi bolady. Onlaın túrde ótken saltanatty jıyn óz maqsatyna jetti dep aıta alamyz.

 

Ál-Farabı atyndaǵy QazUÝ

Joǵary oqý ornyna deıingi

bilim berý fakýlteti dekannyń

oqý-ádistemelik jáne tárbıe jumysy

jónindegi orynbasary M.B.Ámirhanov

 

   

Osy aıdarda

Pikir ústeý

Close