Әлем жаңалықтары
Әлиев «Россотрудничествоны» елден қуып жатыр
Архивное фото
Әлиев «Россотрудничествоны» елден қуып жатыр, деп жазады qandastar.kz
Әзербайжан билігі Кремльдің «Россотрудничество» агенттігін ел аумағынан шығару жөнінде ресми нота жіберді. Бұл туралы Report басылымы дереккөздеріне сілтеме жасап хабарлады деп жазады Әшкере. «Россотрудничество» Ресейдің сыртқы мәдени және гуманитарлық жобаларын насихаттаумен айналысатын ұйым ретінде танылса да
Бакудың пайымдауынша құрылымның жұмысы «тыңшылық сипатқа» ие.
Әзербайжандық ресми тұлғалардың айтуынша, ел сыртқы күштердің ішкі істерге араласуына жол бермейді. «Ұлттық мүддені қорғау жолында қолдан келгеннің бәрін жасаймыз. Ашықтан-ашық барлау қызметін жүргізетін, күмәнді, жабық схемалары көп әлгіндей ұйымдарды ерте бастан елден қуу керек», – дейді дереккөздер. Агенттіктің қызметіне қатысты мәселе бұған дейін де туындаған: жақында Әзербайжан құқық қорғау органдары Бакудегі «Ресей үйі» ғимаратын (сол «Россотрудничество» ұйымы пайдаланған кеңсе) тексеріп, оның елде ресми тіркеуден өтпегенін анықтады. АҚШ-тың USAID агенттігіне қатысты да осыған ұқсас шешім қабылданған. Дональд Трамп ұйымды тарату мәселесін көтермей тұрып-ақ, Баку агенттіктің есігіне құлып салған еді. Ел билігіне жақын дереккөздер «Әзербайжан осы арқылы сыртқы ықпалдың кез келген түрін шектеуге бел буып отыр» деп түсіндіреді.
