Әзербайжан азаматы ұшақ апатынан қаза тапқан қазақтардың отбасына пәтер сыйлады

Фото: елшілік

Ақтауда Azerbaijan Airlines ұшағының апатынан қаза болғандарға ас берілді.

Асты Қазақстан мен Әзербайжан елшілігі ұйымдастырған. Аста кәсіпкер Амиль Юсифовтың бастамасы көптің назарын аудартты, деп хабарлады qandastar.kz порталы Ulysmedia.kz сайтына сілтеме жасап.

Әзербайжан кәсіпкері Алматыдағы екі бөлмелі бес пәтерді қаза тапқан қазақстандықтардың отбасыларына тапсырды. Тұрғын үй жиһазбен және тұрмыстық техникамен толық жабдықталған.

Сонымен қатар, Юсифов Қазақстанға Маңғыстау облысының төтенше жағдайлар департаментіне, қалалық ауруханаға және жедел жәрдем станциясына үш көлік тарту етті. Маңғыстау әкімі Нұрдәулет Қилыбай кәсіпкерге қосқан үлесі үшін алғысын білдіріп, бұл қолдау Қазақстан мен Әзербайжан арасындағы берік достықтың кезекті символына айналғанын атап өтті.