جاڭالىقتارقر ازاماتتىعىن الۋ

قانداستار مارتەبەسى

1997 جىلدىڭ 13 جەلتوقسانداعى قازاقستان رەسپۋبليكاسىنىڭ “حالىقتىڭ كوشى-قونى تۋرالى” زاڭىنىڭ 14 بابىنا سايكەس قانداس مارتەبەسى باسقا ەلدەردەن كوشىپ كەلۋشىلەرگە بەرىلەدى.

قانداستار — قازاقستان رەسپۋبليكاسى ەگەمەندىك العان كەزدە ونىڭ شەتىنەن تىس جەرلەردە تۇراقتى تۇرعان جانە قازاقستانعا تۇراقتى تۇرۋ ماقساتىمەن كەلگەن ۇلتى قازاق شەتەلدىكتەر نەمەسە ازاماتتىعى جوق ادامدار.

ادامداردىڭ قانداستار دەپ تانۋ تۋرالى ءوتىنىشىن وتباسىنىڭ كامەلەتكە تولعان مۇشەلەرىنىڭ ءبىرى تىكەلەي ءوزى نەمەسە ۋاكىلەتتى وكىلى ارقىلى قازاقستان رەسپۋبليكاسىنىڭ شەتەلدەردەگى ديپلوماتيالىق وكىلدىكتەرىنە, كونسۋلدىق مەكەمەلەرىنە نەمەسە ۋاكىلەتتى ورگانعا بەرەدى.

قانداس مارتەبەسىن بەرۋ جانە وتباسىن قانداستاردىڭ كوشىپ كەلۋ كۆوتاسىنا ەنگىزۋ تۋرالى ءوتىنىشتى قاراۋ, سونداي-اق وسى ماسەلەلەر بويىنشا شەشىمدى ول تىركەلگەن كۇننەن باستاپ ەكى اي ىشىندە ۋاكىلەتتى ورگاننىڭ اۋماقتىق قىزمەتتەرى قابىلدايدى.

قانداستار دەپ تانىلعان ادامدارعا بەلگىلەنگەن ۇلگىدەگى كۋالىك بەرىلەدى. قانداستىڭ كۋالىگى قاتاڭ ەسەپتە بولاتىن قۇجات بولىپ تابىلادى جانە وسى زاڭدا كوزدەلگەن جەڭىلدىكتەر مەن وتىنىمدەردى الۋ ءۇشىن نەگىز بولادى.

قازىرگى ۋاقىتتا كوشى-قون پروتسەستەرىن باسقارۋ جونىندەگى ۋاكىلەتتى ورگان – قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى.

ۋاكىلەتتى ورگاننىڭ اۋماقتىق قىزمەتتەرى — بۇل وبلىستاعى جانە نۇر-سۇلتان, الماتى قالالارىنداعى كوشى-قون كوميتەتىنىڭ باسقارمالارى.

وسى ايداردا

دوباۆيت كوممەنتاري

Close